टोकियो, जापान ।

गएको शुक्रबार नयाँ नियमको आधिकारिक घोषणा जारी भयो र त्यसै समयमा अध्यागमन विभागले विजनेश म्यानेजर (Business Manager) को COE/भिसा परिवर्तनका साथै विजनेश म्यानेजर भिसा थप (extension) का लागि आवश्यक कागजातहरूको सूची पनि प्रकाशित गर्‍यो।

भिसा थपका लागि धेरै परिवर्तनहरू भएका छन् र यी नयाँ आवश्यकताहरू अक्टोबर १६ तारिखपछि लागू हुनेछन्। आज, म एक-एक गरेर यस बारे व्याख्या गर्नेछु।

(१) आवेदन फारामहरू अक्टोबर १६ पछि परिवर्तन हुनेछन्। 

(२) तपाईंले नयाँ नियमका सबै आवश्यकताहरू ३ वर्षभित्र पूरा गर्नुपर्नेछ। र यसमा यो पनि भनिएको छ कि यदि तपाईंले ३ वर्षभित्र सबै आवश्यकताहरू पूरा गर्न सक्नुभएन तर अर्को पटक भिसा थप गर्दा सम्ममा पूरा गर्ने वाचा गर्नुभयो भने, तपाईंले थप एक वर्षको भिसा थप (extension) पाउनुहुनेछ। त्यसैले, अधिकतम ४ वर्षसम्मको समय पाइनेछ।

यो नयाँ निर्देशन अनुसार, विजनेश म्यानेजर भिसा बाहकले ३ वर्षभित्र आफ्नो कम्पनीको पूँजी (capital) 30,000,000 येन मा पुर्‍याउनु पर्नेछ। 

तपाईंलाई थाहा छ? यदि कुनै कम्पनीको पूँजी 10,000,000 येनभन्दा ठूलो छ भने, कम्पनीको कर दर (tax rate) बढ्छ। उति नै नाफा हुँदा पनि, तपाईंले बढी कर तिर्नुपर्ने हुन्छ।

र यदि तपाईं स्वयं N2 स्तरको जापानी भाषा बोल्न सक्नुहुन्न भने, तपाईंले कम्तीमा एक जना N2 स्तरभन्दा बढी जापानी भाषामा दक्ष कर्मचारी राख्नुपर्नेछ। यसका अतिरिक्त, तपाईंले कम्तीमा एक जना यस्तो कर्मचारी राख्नुपर्नेछ जो वर्किङ्ग भिसा (working visa) बाहक नहोस्। यसको अर्थ, जापानी नागरिक, PR (स्थायी बासिन्दा) वा श्रीमान्-श्रीमती भिसा (spouse visa), दीर्घकालीन भिसा (long term visa) बाहक हुनुपर्नेछ।

व्यापार र सम्बन्धित आवेदनका आवश्यकताहरूबारे थप कुराहरू उल्लेख गरिएका छन्।

१. यदि तपाईंको व्यवसायमा मुख्य रूपमा आउटसोर्सिङ्ग (outsourcing contracts) ठेक्काहरू छन् भने, तपाईंले विजनेश म्यानेजरको काममा संलग्न भएको मान्यता पाउनुहुने छैन।

२. तपाईंको कार्यालय तपाईं बस्ने कोठाभन्दा छुट्टै हुनुपर्नेछ ।

३. यदि विजनेश म्यानेजर भिसा बाहक PR (स्थायी बासिन्दा) का लागि आवेदन दिन चाहन्छ भने, तपाईंले नयाँ नियमका सबै आवश्यकताहरू पूरा गर्नुपर्नेछ।

४. यदि तपाईं वैध कारण बिना जापानबाट बाहिर हुनुहुन्छ भने, तपाईंको भिसा थप अस्वीकृत हुन सक्छ।

(३) भिसा थप आवेदनका लागि आवश्यक कागजातहरूको सूची अक्टोबर १६ पछि परिवर्तन हुनेछ। अध्यागमन विभागको साइटमा यो सूची जापानी भाषामा मात्र छ:

भिसा थपका लागि नयाँ आवश्यकताहरू निम्न छन्:

- फुल टाइम स्टाफहरूको बारेमा कागजातहरू 

- तपाईं वा तपाईंको कामदारमध्ये कसैमा पर्याप्त जापानी भाषाको सीप छ भन्ने प्रमाणित गर्ने कागजातहरू 

- तपाईंको वर्तमान र भविष्यको व्यवसायको व्याख्यात्मक विवरण (यो आवश्यकता केही महिना अगाडिदेखि नै सुरु भइसकेको छ)

-  सार्वजनिक कर र शुल्कहरू सम्बन्धी 

① रोजगारी बीमा (employment insurance, Koyouhoken) भुक्तानीको रसिद

② श्रम बीमा (labor insurance, Roudouhoken) को रसिद

③ सामाजिक बीमा (social insurance, Shakaihoken) भुक्तानीको रसिद

(यदि सामाजिक बीमा छैन भने, सबै राष्ट्रिय स्वास्थ्य बीमा (national health insurance) भुक्तानी गरिएको छ भनी प्रमाणित गर्ने कागजातहरू। सूचीमा यसको उल्लेख छ तर यदि तपाईंको कम्पनी सामाजिक बीमामा आबद्ध छैन भने, यो अस्वीकृतिको कारण बन्न सक्छ।)

④ कम्पनी आयकर, आवासीय कर (residential tax) र उपभोग कर (consumption tax) आदिको रसिद।

(४) यदि तपाईंको कम्पनीको व्यवसाय राम्रोसँग चलिरहेको छैन भने, अध्यागमन विभागले तपाईंलाई दर्ता प्राप्त सार्वजनिक लेखापाल (registered public accountant) वा कर वकिल (tax lawyer, zeirishi) जस्ता वित्तीय पेशेवरबाट मूल्याङ्कन पत्र (evaluation letter) लिन गर्न अनुरोध गर्न सक्छ। यसले तपाईंको भिसा थप आवेदनको लागि थप शुल्क लाग्न सक्छ।

ती आधारभूत आवश्यकताहरू बाहेक, यदि तपाईंले कामदारहरू राख्नुहुन्छ भने, तपाईंलाई ३ वटा अभिलेखहरू बुझाउन अनुरोध गर्न सकिन्छ: कर्मचारीहरूको सूची, काम गर्ने पाना (work sheet, Shukkinbo) र ज्याला खाता (wage ledger, Chingin daichou)।

मलाई डर छ कि केही विजनेश म्यानेजर भिसा धारकहरूले भिसाको स्थिति परिवर्तन गरेर नियमित वर्किङ्ग भिसा, इन्जिनियर/मानविकी/अन्तर्राष्ट्रिय (Engineer/humanities/international) मा जाने बारे सोच्न थाल्न सक्छन्।

तर 'कम्पनी बन्द गर्नु, खोल्नुभन्दा धेरै महँगो र जटिल हुन्छ।'

नयाँ नियम र सूचीहरू अहिले आएका छन्। तर अध्यागमन विभागले प्रत्येक आवेदनलाई कसरी व्यवहार गर्छ र निरीक्षण गर्छ भन्ने कुरा अझै निश्चित छैन। हामीले अनुभव र ज्ञान निर्माण गर्न आवश्यक छ।

(इमिग्रेशन लयर (Immigration Lawyer, Beyond Watabe office) बाट लिई नेपालीकरण गरिएको यो सामग्री नेपाली ईन जापानबाट साभार गरिएको हो ।)