___________

रित्तियो सम्पति बाबुको सिद्धियो जवानी पनि 

उर्लेको थियो खहरे  आज  सकियो पानी पनि 

अस्ताउँदो  सूर्य जस्तै  लौन  उमेर  पाकेपछि 

माँसियो गाईगोठ सारा  भाँचियो मदानी पनि 

घरगाँउमै रोजगारी दिने भन्दै  बहुमत पाएपछि 

आज भाईलाई कतारको थमायो राहदानी पनि 

आ-आफ्नै तक्दिर हुन्छ रोजेको कहाँ मिल्छ र 

परदेशीएको छोराले बाबुको भेटेन खरानी पनि 

बेठेगानको चिठी बोकी हुलाकी दौडिएजस्तै गरि

यो जिन्दगीको आजसम्म पनि भएन ठेगानी पनि।

रित्तियो सम्पति बाबुको सिद्धियो जवानी पनि 

उर्लेको थियो खहरे  आज  सकियो पानी पनि 

            मोहनप्रसाद खतिवडा-'मुमुक्षु'

                          जापान।