.jpg)
टोकियो, जापान ।
जापानमा डिसेम्बर १३ तारिख १९ जना कोरोना भाइरस संक्रमित बिरामीको निधन भएको छ ।
आईतबार रात ९ बजेसम्ममा २३ सय ८८ जना नयाँ कोरोनाका बिरामी पुष्टि भएका छन् ।
जापानमा ४७ मध्ये ४३ प्रिफेक्चरमा आईतबार नयाँ संक्रमित भेटिएका छन् ।
आईतबार सबैभन्दा धेरै ७ जना कोरानाका बिरामीको होक्काईदोमा निधन भएको छ भने संक्रमित तर्फ टोकियोमा ४८० जना पुष्टि भएका छन् ।
आईतबार नै बिमानस्थल क्वारिन्टिनमा नयाँ १४ जना सहित संक्रमितको संख्या १६ सय ७८ पुगेको छ ।
स्वास्थ्य, श्रम तथा कल्याण मन्त्रालयको विवरण अनुसार जापानमा हालसम्म कोरोनाका बिरामीको संख्या १ लाख ८१ हजार नाघेको छ ।
संक्रमित भएका मध्ये १ लाख ५० हजार व्यक्ति निको भएर डिस्चार्ज भएका छन् ।
हाल उपचार गराईरहेका ५ सय ८३ जनाको अवस्था गम्भिर रहेको मन्त्रालयको तथ्यांकमा उल्लेख छ । गम्भिर बिरामीको यो संख्या जापानमा कोरोना संक्रमण सुरु भएयताकै सर्वाधिक धेरै हो ।
