टोकियो, जापान ।

अक्टोबर २५ तारिख टोकियो महानगरमा १ सय २४ जना नयाँ कोरोना भाइरस संक्रमित थपिएका छन् ।

महानगरले जारी गरेको तथ्यांक अनुसार हालसम्म नयाँ संक्रमित सहित टोकियोमा कोरोना संक्रमित ३० हजार पार गरेको छ ।

तथ्यांक अनुसार आईतबार साँझ सम्ममा कुल संक्रमितको संख्या ३० हजार ३३ पुगेको छ ।

यसैगरि संक्रमित मध्ये हालसम्म ४ सय ४५ जनाले ज्यान गुमाएका छन् । उपचार गराईरहेका संक्रमितमा २४ जनाको अवस्था चिन्ताजनक रहेको छ ।

अर्कोतर्फ कुल संक्रमितमा २७ हजार ८ सय ९ जना निको भएर डिस्चार्ज भईसकेका छन् ।

यसरी समग्रमा कुल संक्रमित, मृतक र निको भएकाको संख्या हिसाब गर्दा टोकियोमा हाल संक्रमित कोभिड १९ पोजेटिभको संख्या १७ सय ७९ जना रहेका छन् ।