.jpg)
टोकियो, जापान ।
कोरोना भाइरसबाट बिरामी भएका ३ जनाको अक्टोबर २१ तारिख जापानमा निधन भएको छ ।
स्वास्थ्य, श्रम तथा कल्याण मन्त्रालयको तथ्यांक अनुसार मंगलवार ४ सय ८३ जना नयाँ कोरोना भाइरस संक्रमित बिरामी थपिएका छन् ।
थपिएका नयाँ संक्रमित सहित जापानमा कोरोना भाइरसबाट हालसम्म संक्रमितको संख्या ९४ हजार ७ सय २७ पुगेको छ ।
यसमा योकोहामा क्रुजका ७१२ र जापानका घरेलु ९४ हजार १५ जना रहेका छन् ।
संक्रमित मध्ये घरेलु १६ सय ८० र क्रुजका १३ गरि १६ सय ९३ जना कोरोनाका बिरामीको निधन भएको छ ।
मंगलवार २५ वटा प्रिफेक्चरमा संक्रमित पुष्टि भएका छन् । टोकियो बाहेक कुनैपनी प्रिफेक्चरमा एक सय संक्रमित पार नहुँदा सबैभन्दा बढी टोकियोमा १३९ जनामा कोभिड-१९ पोजेटिभ पाईएको छ ।
यसैगरि ओसाका ६५, खानागावा ४७, चिबा ४०, साईतामा ३३ र होक्काईदोमा ३१ जनामा कोरोना संक्रमण भएको छ ।
जापानमा हाल उपचार गराईरहेका १ सय ४३ जना कोरोनाका बिरामी गम्भिर प्रकृतिका रहेका छन् ।
उपचार पश्चात कुल संक्रमित मध्ये ८७ हजार १ सय ७२ जना स्वस्थ भएर घर फर्किसकेको स्वास्थ्य, श्रम तथा कल्याण मन्त्रालयको तथ्यांकमा उल्लेख छ ।
...
-एनएचके
