टोकियो, जापान ।

जापान सरकारले कम तौलका युवा वयस्क महिलाहरूको उच्च अनुपातलाई कम गर्ने प्रयासको रूपमा शरीरको आकार, मनोवृत्ति, आहार, जीवनशैली, बानी, व्यवहार लगायतका विषयमा अनुसन्धान सहितको अध्ययन गर्न अनुसन्धान समूह गठन गरेको छ ।

स्वास्थ्य मन्त्रालयका अनुसार अत्यधिक र असन्तुलित खानपानले गर्दा कम तौलले व्यक्तिको स्वास्थ्यलाई पार्ने जोखिम, नवजात बच्चाहरूलाई हुनसक्ने खतराहरू सहितको अध्ययन र अनुसन्धान गर्न, यसको जोखिमहरू बारे सचेतना फैलाएर सामान्य तौल कायम राख्नुको महत्त्वको बुझाइमा सुधार गर्न स्वास्थ्य, श्रम तथा कल्याण मन्त्रालयले सो समूह गठन गरेको हो ।

चालु आर्थिक वर्षदेखि मार्चसम्म अनुसन्धान समूहले युवा महिलाहरूको खानपान र पोषणको बुझाइको अवस्था प्राप्त गर्न र प्रवृत्तिहरू खिच्न कसरी सर्वेक्षण गर्ने भनेर समीक्षा गर्ने भएको छ ।

सन २०१९ को राष्ट्रिय स्वास्थ्य र पोषण सर्वेक्षणले २०.७ प्रतिशत महिलाको तौल १८.५ भन्दा कम रहेको देखाएको छ । जबकि ७०.४ प्रतिशतले १८.५ र २४.९ बीचको बीएमआई सामान्य तौल मानेका छन् । ८.९ प्रतिशतको तौल २५ वा २५ प्रतिशत भन्दा बढी बीएमआई रहेको छ ।

कम तौल भएका व्यक्तिहरूको अनुपात अन्य उमेर समूहहरूको तुलनामा जापानमा अन्य विकसित राष्ट्रहरूको भन्दा उच्च रहेको छ ।

सरकारले २०१३ मा सुरु गरेको १० वर्षे हेल्थ जापान २१ योजना, २० वर्षमा कम तौल भएका महिलाको बीएमआईलाई २० प्रतिशतभन्दा कममा ल्याउने लक्ष्य राखिएको थियो तर त्यो असफल भएको छ ।

पातलो हुन चाहने व्यक्तिहरूले खानाको मात्रामा कमि गर्नाले कुपोषण र एनीमियाका लक्षणहरू निम्त्याइ एनोरेक्सिया विकासको बिन्दुमा पुगेको स्वास्थ्य विशेषज्ञहरू बताएका छन ।

कम तौल भएका आमाहरूमा कम तौल भएको बच्चा जन्मने जोखिम बढी, शिशुको तौल २,५०० ग्राम वा सोभन्दा कम हुने घटना बढिरहेको स्वास्थ्य विशेषज्ञहरूको भनाइ छ । “कम तौलमा जन्मिएका बच्चाहरूमा पोषक तत्वहरू सजिलै भण्डारण गर्ने शारीरिक संरचनाको विकास हुने सम्भावना बढी हुन्छ“ उनीहरूको भनाइ छ जसका कारण वश्यक उमेरमा क्यान्सर, मुटु रोग र मधुमेह सम्बन्धी रोगहरू लाग्ने सम्भावना बढी हुन्छ ।

खागावा न्यूट्रिशन युनिभर्सिटीका एसोसिएट प्रोफेसर फुमी हयाशीले मिडिया र अन्य स्रोतहरूले “पातलो हुनु आदर्श हो भन्ने गलत सामाजिक मापदण्ड” को झुठो खेती गरेका छन ।

“यद्यपि केही मानिसहरू चिन्तित हुन सक्छन् कि उपयुक्त तौलले उनीहरूलाई नयाँ फेसनको मजा लिनबाट वञ्चित गर्दछ, त्यहाँ सजिलै थकित नहुनु जस्ता फाइदाहरू पनि छन् । समग्र रूपमा समाजले आफ्नो मनोवृत्ति परिवर्तन गर्नुपर्छ,” उनले भनिन् ।