एजेन्सी ।

शक्ति उन्मादको प्रदर्शन गर्दै भेनेजुएलाका निर्वाचीत राष्ट्रपति निकोलस मादुरोलाई सैन्य आक्रमण पश्चात कब्जामा लिएर अमेरिका ल्याएको घोषणापछि अमेरिकी राष्ट्रपति डोनाल्ड ट्रम्पले अब भेनेजुएला अमेरिकाले चलाउने विवादास्पद अभिव्यक्ति दिएका छन् ।

उनले भनेका छन्, अमेरिकाले 'देश चलाउनेछ जबसम्म हामी सुरक्षित, उचित र न्यायपूर्ण संक्रमण गर्न सक्दैनौं '।

अमेरिकी सेनाले दक्षिण अमेरिकी देशमा बमबारी गरेर यसका राष्ट्रपति निकोलस मादुरोलाई 'कब्जा' गरेको केही घण्टापछि ट्रम्पले भनेका छन् कि राजनीतिक संक्रमण नभएसम्म वाशिंगटनले भेनेजुएलालाई चलाउनेछ ।

शनिबार एक पत्रकार सम्मेलनमा बोल्दै ट्रम्पले भने 'अमेरिकाले देश चलाउनेछ जबसम्म हामी सुरक्षित, उचित र न्यायपूर्ण संक्रमण गर्न सक्दैनौं '।

'हामी अरू कसैलाई भित्र्याउन चाहँदैनौं, र हाम्रो पनि विगत लामो समयदेखिको जस्तै अवस्था छ' उनले भने।

ट्रम्प प्रशासनले भेनेजुएलाको राजधानी काराकसमा आक्रमण गर्दै शनिबार बिहानै मादुरो र उनकी श्रीमतीलाई कब्जामा लिएको थियो ।

अमेरिकी मिडियाका अनुसार भेनेजुएलाका नेतालाई बोकेको विमान शनिबार साँझ न्यूयोर्क राज्यमा अवतरण गरेको छ ।

सीएनएन, फक्स न्यूज र एमएस नाउ द्वारा प्रसारित फुटेजमा अमेरिकी अधिकारीहरूले न्यूयोर्क शहरबाट लगभग ९७ किलोमिटर ९६० माइल० उत्तरपश्चिममा रहेको स्टीवर्ट अन्तर्राष्ट्रिय विमानस्थलमा मादुरो भनेर चिनिएका एक व्यक्तिलाई विमानबाट ओराल्दै गरेको देखाइएको छ ।

मादुरोको पक्राउ उनको सरकार विरुद्ध महिनौं लामो अमेरिकी दबाब अभियान पछि भएको थियो जसमा भेनेजुएलाको तटबाट तेल ट्याङ्करहरू कब्जा गर्ने, साथै क्यारिबियनमा कथित लागूपदार्थ तस्करी गर्ने डुङ्गाहरूमा घातक आक्रमणहरू समावेश थिए जसलाई गैरन्यायिक हत्याको रूपमा व्यापक रूपमा निन्दा गरिएको थियो ।

वाशिंगटनले २०१३ देखि सत्तामा रहेका भेनेजुएलाका नेतालाई लागूपदार्थ कार्टेलहरूसँग सम्बन्ध रहेको आरोप लगाएको थियो, यो दाबी मादुरोले अस्वीकार गरेका थिए, जसले अमेरिकाले उनलाई पदच्युत गर्न र भेनेजुएलाको विशाल तेल भण्डारको नियन्त्रण लिन काम गरिरहेको बताएका थिए ।

शनिबारको पत्रकार सम्मेलनको क्रममा ट्रम्पले सिधा भेनेजुएलाको तेल भण्डारमाथि कब्जा गर्ने नबताएपनि घुमाउरोगरि भनेका छन् ूधेरै ठूला संयुक्त राज्य अमेरिकाका तेल कम्पनीहरूू भेनेजुएलामा 'नराम्रो रूपमा बिग्रिएको, तेल पूर्वाधार मर्मत गर्न र देशको लागि पैसा कमाउन सुरु गर्न' अघि सर्नेछन्।

उनले उनको प्रशासनको कार्यले भेनेजुएलाका जनतालाई धनी, स्वतन्त्र र सुरक्षित बनाउने जिकिर गरेका छन् ।

ट्रम्प प्रशासनले अमेरिकामा वामपन्थी नेताले लागूऔषध सम्बन्धी आरोपहरूको सामना गरेको भन्दै मादुरोको 'कब्जा' को बचाउ गरेको छ ।

यी आरोपहरूमा 'नार्को-आतंकवाद षड्यन्त्र, कोकेन आयात षड्यन्त्र, मेसिन गन र विनाशकारी उपकरणहरू राख्ने षड्यन्त्र, र संयुक्त राज्य अमेरिका विरुद्ध मेसिन गन र विनाशकारी उपकरणहरू राख्ने षड्यन्त्र' समावेश छ, अमेरिकी महान्यायाधिवक्ता पाम बोन्डीले भनेका छन् ।

'उनीहरूले चाँडै अमेरिकी अदालतहरूमा अमेरिकी भूमिमा अमेरिकी न्यायको पूर्ण क्रोधको सामना गर्नेछन्' उनले एक्समा एक पोस्टमा लेखेका छन् ।

न्याय विभागका एक अधिकारीले रोयटर्स समाचार एजेन्सीलाई मादुरो सोमबार म्यानहट्टन संघीय अदालतमा प्रारम्भिक उपस्थित हुने अपेक्षा गरिएको बताए ।

तर अमेरिकाका कानुनी विज्ञहरू, विश्व नेताहरू र डेमोक्र्याटिक पार्टीका सांसदहरूले प्रशासनको कार्यलाई अन्तर्राष्ट्रिय कानूनको उल्लङ्घनको रूपमा निन्दा गरेका छन्।