एजेन्सी ।

शनिबार वाशिंगटन डीसीमा ह्वाइट हाउस संवाददाताहरूको रात्रिभोजमा राष्ट्रपति डोनाल्ड ट्रम्पलाई गोप्य सुरक्षा अधिकारीहरुले हतार हतार स्टेजबाट बाहिर निकालेका छन् । घटना रात्रिभोज स्टलमा बिस्फोट बताइएको ठूलो आवाजपछि भएको हो ।

उपराष्ट्रपति जेडी भान्स र उपस्थित ट्रम्पको मन्त्रिपरिषद्का सदस्यहरूलाई पनि हतार-हतार बाहिर निकालिएको सार्वजनिक भिडियोहरुमा देखाइएको छ ।

स्रोतलाई उदृत गर्दै सीएनएनले ट्रम्प सुरक्षित रहेको बताएको छ । प्रशासनका एक अधिकारीका अनुसार, मन्त्रिपरिषद् सदस्यहरू पनि सुरक्षित छन् ।

कार्यक्रम डीसीको हिल्टन होटलमा ह्वाइट हाउस संवाददाताहरूको डिनरमा भएको हो ।
...

अपडेट

शनिबार वाशिंगटन, डीसीमा अमेरिकी राष्ट्रपति डोनाल्ड ट्रम्प सहितका शिर्ष अधिकारी सहभागी ह्वाइट हाउस संवाददाताहरूको डिनरमा सम्भावित गोली चलाइएपछि राष्ट्रपति डोनाल्ड ट्रम्पलाई गोप्य सुरक्षाकर्मीहरुले तुरुन्तै स्टेजबाट बाहिर निकालेर लगेका छन् ।

ताजा समाचार अनुसार उक्त घटनामा विस्फोट भएको आवाज गोलीको भएको बताइएको छ । जसमा कम्तिमा ५ वटा गोली प्रहार भएको बताइएको छ । गोली होटल बाहिरको क्षेत्रबाट होटलको कार्यक्रम स्थल तर्फ प्रहार भएको र गोली प्रहार गर्ने एक बन्दुकधारिलाई नियन्त्रणमा लिइएको समेत बताइएको छ ।

थप समाचार आउनेक्रम जारी रहेको छ ।