एजेन्सी ।

इजरायली घातक हमलापछि करिव दुई साता देखि जारी युद्धमा पूर्ण युद्धविराममा सहमती भएको अमेरिकी राष्ट्रपति डोनल्ड ट्रम्पले दाबी गरेका छन् । तर ट्रम्पको दावीमा इजरेल र इरान यो समाचार तयार पार्दासम्म कुनै प्रतिक्रिया दिइसकेका छैनन् ।

ट्रम्पले अबको केही घन्टामा त्यस्तो युद्धविराम कार्यान्वयनमा जाने पनि बताएका छन् ।

अमेरिकी संचारमाध्यमहरूले नाम उल्लेख नगरिएका सरकारी अधिकारीहरूलाई उल्लेख गर्दै कतारी प्रधानमन्त्री शेख मोहम्मद बिन अब्दुलरहमान अल थानीले युद्धविरामका निम्ति भूमिका खेलेको जनाएका छन् ।

इरानको सरकारी लगायतका संचारमाध्यमहरूले त्यसलाई 'ट्रम्पको दाबी' मात्रै भनेर जनाएका छन् जुन हालका निम्ति घटनालाई सावधानीपूर्वक लिइएको सङ्केत देखिएको छ ।

त्यसैबिच इजरेली सेना आइडीएफले तेहरानका विभिन्न जिल्लालाई लक्ष्यित गर्दै त्यहाँ हमला हुनसक्ने भनी मानिसहरूलाई अन्यत्र जान तीनवटा सूचनाहरू जारी गरेको छ ।

ईरानका विभिन्न भागमा विस्फोटका आवाजहरू सुनिएका विवरणहरू प्राप्त भएका छन् ।

मंगलबार बिहान मात्रै इरानले कतारस्थित संयुक्त राज्य अमेरकाको हवाई सैन्य अखाडामा क्षेप्यास्त्र हमला गरेको थियो जस्लाई इरानले शनिवार आफ्नो परमाणु केन्द्रहरूमा भएका हमलाको जवाफ भनेको छ।

ट्रम्पले त्यस्तो हमलामा कुनै पनि अमेरिकी वा कतारी हताहति नभएको भन्दै इरानको हमला 'एकदमै कमजोर' रहेको बताएका थिए र उनले 'हमलाबारे पहिले नै जानकारी दिएकामा' इरानलाई धन्यवाद पनि दिएका छन् ।

ट्रम्पले युद्धबिराम बारेमा के भनेका छन् ?

'सबैलाई बधाई ! इजरायल र इरान बीच पूर्ण सहमति भएको छ कि १२ घण्टाको लागि पूर्ण र पूर्ण युद्धविराम हुनेछ (अबदेखि लगभग ६ घण्टामा, जब इजरायल र इरानले आफ्नो प्रगतिशील, अन्तिम अभियानहरू पूरा गर्नेछन् !), जुन बिन्दुमा युद्ध समाप्त भएको मानिनेछ !

आधिकारिक रूपमा, इरानले युद्धविराम सुरु गर्नेछ र १२ औं घण्टामा, इजरायलले युद्धविराम सुरु गर्नेछ र २४ औं घण्टामा, १२ दिने युद्धको आधिकारिक अन्त्यलाई विश्वले अभिवादन गर्नेछ। प्रत्येक युद्धविरामको समयमा, अर्को पक्ष शान्तिपूर्ण र सम्मानजनक रहनेछ ।

“सबै कुरा जसरी हुनुपर्छ त्यसरी नै काम गर्छ भन्ने धारणामा, जुन यो हुनेछ, म दुवै देशहरू, इजरायल र इरानलाई बधाई दिन चाहन्छु कि उनीहरूको सहनशीलता, साहस र बुद्धिमत्ता समाप्त भएको छ, जसलाई '१२ दिने युद्ध' भन्न सकिन्छ।”

“यो एउटा युद्ध हो जुन वर्षौंसम्म चल्न सक्थ्यो, र सम्पूर्ण मध्य पूर्वलाई ध्वस्त पार्न सक्थ्यो, तर यो कहिल्यै भएन, र कहिल्यै हुनेछैन ! भगवानले इजरायललाई आशीर्वाद दिऊन्, भगवानले इरानलाई आशीर्वाद दिऊन्, भगवानले संयुक्त राज्य अमेरिकालाई आशीर्वाद दिऊन्, र भगवानले संसारलाई आशीर्वाद दिऊन् !”