एजेन्सी ।

अमेरिकी राष्ट्रपति डोनाल्ड ट्रम्पले शुक्रबार अङ्ग्रेजीलाई संयुक्त राज्य अमेरिकाको आधिकारिक भाषाको रूपमा तोक्ने कार्यकारी आदेशमा हस्ताक्षर गर्ने भएका छन् ।

ह्वाइट हाउसका अनुसार यो आदेशले संघीय कोष प्राप्त गर्ने सरकारी एजेन्सीहरू र संस्थाहरूलाई अंग्रेजी बाहेक अन्य भाषाहरूमा कागजातहरू र सेवाहरू प्रदान गर्न जारी राख्ने कि नगर्ने भनेर छनौट गर्न अनुमति भने दिनेछ ।

कार्यकारी आदेशले पूर्व राष्ट्रपति बिल क्लिन्टनको आदेशलाई खारेज गर्नेछ जसमा गैर अङ्ग्रेजी बोल्नेहरूलाई भाषा सहायता प्रदान गर्न संघीय कोष प्राप्त गर्ने सरकार र संस्थाहरूलाई आवश्यक थियो ।

ह्वाइट हाउसले अङ्ग्रेजीलाई राष्ट्रिय भाषाको रूपमा तोक्दा ूएकतालाई बढावा दिन्छ, सरकारी सञ्चालनमा दक्षता स्थापित गर्दछ, र नागरिक संलग्नताको लागि मार्ग सिर्जना गर्ने दाबी गरेको छ ।

संयुक्त राज्य अमेरिकामा अङ्ग्रेजीलाई आधिकारिक भाषा बनाउने वकालत गर्ने समूह, युएस अङ्ग्रेजीका अनुसार, ३० भन्दा बढी राज्यहरूले पहिले नै अङ्ग्रेजीलाई आफ्नो आधिकारिक भाषाको रूपमा तोक्ने कानून पारित गरिसकेका छन् ।

दशकौंदेखि, कंग्रेसका सांसदहरूले अंग्रेजीलाई अमेरिकाको आधिकारिक भाषाको रूपमा तोक्न कानून पेश गर्दै आएका छन्, तर ती प्रयासहरू सफल भएका छन ।

गत महिना ट्रम्प राष्ट्रपतिको रुपमा आएको केही घण्टा भित्रै, नयाँ प्रशासनले आधिकारिक ह्वाइट हाउस वेबसाइटको स्पेनी भाषा संस्करण हटाएको थियो ।

हिस्पैनिक वकालत समूहहरू र अरूले परिवर्तनमा भ्रम र निराशा व्यक्त गरेका थिए । ह्वाइट हाउसले त्यतिबेला वेबसाइटको स्पेनी भाषा संस्करण अनलाइन फिर्ता ल्याउन प्रतिबद्ध रहेको बताएको थियो । शुक्रबारसम्म, यो अझै पनि पुनर्स्थापित गरिएको छैन ।

ह्वाइट हाउसले त्यो हुन्छ कि हुँदैन भन्ने बारेमा केहि प्रतिक्रिया दिएको छैन ।

ट्रम्पले आफ्नो पहिलो कार्यकालमा वेबसाइटको स्पेनी संस्करण बन्द गरेका थिए । राष्ट्रपति जो बाइडेनले भने यसलाई पुनर्स्थापित गरेका थिए ।