टोकियो, जापान ।

दक्षिण कोरियाका राष्ट्रपतिले आपतकालिन रुपमा देशमा सैनिक कानुनको घोषणा गरेका छन्।

दक्षिण कोरियाका राष्ट्रपति युन सुक येओलले मंगलबार अबेर  देशको नाममा गरेको सम्बोधनमा देशको प्रमुख विपक्षी दललाई उत्तर कोरियाप्रति सहानुभूति र राज्य विरोधी गतिविधिको आरोप लगाउँदै मार्शल ल (सैनिक कानुन) घोषणा गरेका हुन्।

युनले के विशेष उपायहरू लिइने बारे बिस्तृतमा खुलाएका छैनन ।

उनले संसदमा बहुमत भएको विपक्षी डेमोक्रेटिक दलले शीर्ष अभियोजकहरूलाई महाभियोग लगाउन र सरकारी बजेट प्रस्ताव अस्वीकार गर्ने प्रस्तावलाई उद्धृत गरेका छन ।

युनले विपक्षीका कार्यहरूलाई “विद्रोहलाई उक्साउने उद्देश्यले स्पष्ट राज्य विरोधी व्यवहार” को सॅज्ञा दिएका छन ।

यी कार्यहरूले राज्यको मामिलालाई पक्षघात पारेको र राष्ट्रिय सभालाई अपराधीहरूको अड्डामा परिणत गरेको दावी उनले गरेका छन ।

दक्षिण कोरियाली राष्ट्रपति यून सुक यउलले बिना पूर्वघोषणा सोमबार अबेर राति गरिएको टेलिभिजन सम्बोधनमा देशलाई "उत्तर कोरियाली कम्युनिस्ट बलहरू"बाट जोगाउन र राज्यविरोधी तत्त्वहरूलाई समाप्त गर्न उक्त कदम आवश्यक भएको बताएका छन ।