काठमाडौं, नेपाल ।

संसदीय सुनुवाइ समितिले प्रधानन्यायाधीशमा डा.मनोज शर्मालाई सर्वसम्मत रुपमा अनुमोदन गरेको छ ।

मंगलबार बसेको बसेको संसदीय सुनवाइ समितिको बैठकले अब नेपालको अदालतको बागडोर शर्मालाई सुम्पनेगरिउनको नाम सर्वसम्मतिले अनुमोदन गरेको हो ।

समितिको बैठकमा सभापति बोधनारायण श्रेष्ठले प्रधानन्यायाधीशमा शर्माको नाम सर्वसम्मतिले अनुमोदन भएको घोषणा गरे ।

त्यसअघि समितिले शर्माको नाममा परेका केही उजुरीहरुमाथि सुनुवाइ गरेको थियो ।  समितिमा परेका उजुरीहरु कुनैपनि तथ्य र प्रमाणमा आधारित रहेको नपाएसँगै समितिले अनुमोदन गरेको हो । शर्मालाई भोली नै राष्ट्रपति रामचन्द्र पौडेलले सर्वोच्च अदालतको प्रधानन्यायाधीशमा नियुक्त गर्नेगरि तयारी भइरहेको छ ।