टोकियो, जापान ।

यस सिजनको नवौं नम्वरको आँधीले मध्य टोकियोलाई समेत कम्तिमा २४ घण्टा असर पार्ने भएको छ । टोकियोको ओगासावारा टापुहरू नजिक ताईफु जुलाई ३० तारिख आईपुग्ने र यसको प्रभाव लामो समयसम्म रहन सक्ने पूर्वानुमान गरिएको छ ।

जापान मौषम विज्ञान एजेन्सीका अधिकारीहरुले उच्च छालहरू, तेज हावा र पहिरोबाट सावधान रहन पूर्व सूचना जारी गरेका छन् ।

जापान मौसम विज्ञान एजेन्सीका अनुसार, आँधी नम्बर ९ बुधवार साँझसम्म ओगासावारा टापुहरूको चिचिजिमा टापुबाट २०० किलोमिटर उत्तर उत्तरपूर्वमा रहेको छ ।

केन्द्रीय चाप ९८५ हेक्टोपास्कल, प्रति सेकेन्ड २३ मिटरको अधिकतम निरन्तर हावा र केन्द्र नजिकै ३५ मिटर प्रति सेकेन्डको हावा चलिरहेको छ । केन्द्रमा २८० किलोमिटर दक्षिणपूर्व र केन्द्रको २२० किलोमिटर उत्तरपश्चिममा १५ मिटरभन्दा बढीको तीव्र हावा चलिरहेको बताइएको छ ।

समुद्रमा भारी बाढी र सामुन्द्रिक छाल जारी रहने पूर्वानुमान गरिएको छ, ३० तारिखमा ७ मिटर र १ तारिख ६ मिटरको छालहरू उठ्ने पूर्वानुमान गरिएको छ।

बीचमा मेघगर्जनसहित भारी वर्षाको जोखिम पनि छ, जसको परिणामस्वरूप स्थानीय रूपमा भारी वर्षा हुनेछ ।

३१ तारिख बिहानसम्मको २४ घण्टामा ओगासावरा टापुका धेरै भागहरूमा १०० मिमी वर्षा हुने पूर्वानुमान छ ।

अर्को महिनाको सुरुमा आँधी होन्शुमा आउन सक्ने पूर्वानुमान अझै पनि धेरै परिवर्तनशील रहेकाले पूर्व जानकारी लिन जापान मौषम विज्ञान एजेन्सीले जनाएको छ ।