एजेन्सी ।

राष्ट्रपति युन सुक येओलको लागि गिरफ्तारी वारेन्टको कार्यान्वयन शुक्रबार दिउँसो निलम्बन गरिएको छ ।

येओलको निवासमा पक्राउको लागि भएको अवरोधको कारणले अगाडि बढ्न व्यावहारिक रूपमा असम्भव बनाएको भन्दै अधिकारीहरुले पक्राउ एकदिनका लागि निलम्बन गरेका हुन् ।

उच्च पदस्थ अधिकारीहरूका लागि भ्रष्टाचार अनुसन्धान कार्यालय लगायत संयुक्त अनुसन्धानमा संलग्न अधिकारीहरू प्रारम्भमा अदालतले स्वीकृत गरेको वारेन्ट कार्यान्वयन गर्न अघि सरेका थिए । तर, पाँच घण्टाको तनावपछि बढ्दो तनावको अवस्थाका कारण गिरफ्तारीलाई निरन्तरता दिन असम्भव भएको ठहर अधिकारीहरुले गरेका छन् । वारेन्ट कार्यान्वयनमा अवरोध आएपछि घटनास्थलमा रहेका कर्मचारीको सुरक्षाको चिन्ताले शुक्रबार दिउँसो करिब १ः३० बजे अपरेशन रोक्ने निर्णय गरेको हो ।

एक विज्ञप्तिमा, अधिकारीहरूले सदिग्ध दक्षिण कोरियाका राष्ट्रपति ले कानूनी प्रक्रियाहरूको पालना गर्न अस्वीकार गरेकोमा खेद व्यक्त गरेको छ । विज्ञप्तिमा भनिएको छ, 'कानुनी प्रक्रियामा प्रतिक्रिया नदिने संदिग्धको मनोवृत्तिप्रति हामी गहिरो खेद व्यक्त गर्दछौं।'

अधिकारीहरूले स्थितिको समीक्षा पछि थप कदमहरू विचार गरिने बताएका छन् ।

संयुक्त अनुसन्धान टोली, जसमा सीआईओ, कोरियाली राष्ट्रिय प्रहरी एजेन्सी र रक्षा मन्त्रालयका अधिकारीहरू समेत सहभागी थिए ।

यसअघि विद्रोह र अधिकार दुरुपयोगको आशंकामा राष्ट्रपतिलाई हिरासतमा लिन मध्य सियोलको योङ्सानको हान्नम दोङमा रहेको राष्ट्रपतिको निवासमा सरकारी अधिकारीहरु प्रवेश गर्ने प्रयास गरेका थिए ।