टोकियो, जापान ।

जापानकी प्रधानमन्त्री सनाए ताकाइचीको कडा विदेश र सुरक्षा नीतिले नेपाल–जापान सम्बन्धलाई पनि नयाँ सन्दर्भमा उभ्याएको छ । परम्परागत रूपमा आर्थिक सहयोग, पूर्वाधार विकास र मानव संसाधनमा केन्द्रित रहेको द्विपक्षीय सम्बन्ध अब सुरक्षा, आप्रवासन र रणनीतिक स्थायित्वको कोणबाट पनि हेरिन थालेको छ।

नेपाल जापानका लागि दक्षिण एशियामा रणनीतिक मित्र भन्दा पनि विकास साझेदारको रूपमा चिनिँदै आएको देश हो। तर ताकाइची नेतृत्वमा जापानले सबै साझेदार राष्ट्रसँग सुरक्षा संवेदनशीलता र आप्रवासन व्यवस्थापन लाई प्राथमिकता दिन थालेको संकेत देखिएको छ।

विश्लेषकहरूका अनुसार नेपाल–जापान सम्बन्ध तत्काल कमजोर हुने संकेत छैन । तर भिसा, श्रमिक नीति र सुरक्षा जाँच थप कडा हुनसक्ने सम्भावना छ ।

नेपालले कूटनीतिक रूपमा जापान र चीनसँगको सम्वन्धको आधारमा जापानसँग तटस्थ र विश्वासयोग्य साझेदारको छवि कायम राख्नुपर्ने चुनौती बढेको छ ।

जापानको नयाँ सुरक्षा दृष्टिकोणमा नेपाल अप्रत्यक्ष रूपमा प्रभावित भए पनि, दीर्घकालमा सम्बन्ध सावधानीपूर्वक स्थिर रहने अनुमान गरिएको छ।

कडा आप्रवासन नीति र सुरक्षा प्राथमिकता — जापानमा रहेका नेपालीमाथि के असर पर्छ ?

प्रधानमन्त्री सनाए ताकाइचीको सरकारद्वारा अघि सारिएको कडा आप्रवासन र विदेशी नागरिक सम्बन्धी नीतिले जापानमा रहेका नेपाली समुदायमा मिश्रित प्रतिक्रिया उत्पन्न गरेको छ।

हाल जापानमा करिब तीन लाख नेपाली विभिन्न भिसा श्रेणीमा बसोबास गरिरहेका छन् ।

नयाँ नीतिगत कडाइले विशेषगरी

श्रमिक भिसा

विद्यार्थी भिसा

स्थायी बसोबास पिआर मा थप कागजी प्रक्रिया, निगरानी र योग्यता मापदण्ड कडा बनाउने संकेत दिएको छ।

नेपाली समुदायमा देखिएका मुख्य चिन्ताहरू

भिसा नवीकरणमा ढिलाइ

काम परिवर्तनमा प्रतिबन्ध

पिआर पाउन कठिनाइ

जापानी पासपोर्ट प्रक्रिया मुश्किल पर्ने देखिन्छ ।

तर सकारात्मक पक्ष पनि छन्, नियम पालना गर्ने श्रमिक र विद्यार्थीलाई दीर्घकालीन अवसर सिर्जनाा हुनसक्छ ।

गैरकानुनी गतिविधि घट्दा समुदायको समग्र छवि सुधार हुने अपेक्षा पनि गर्न सकिन्छ ।

विश्लेषकहरू भन्छन् “यो नीति नेपाल लक्षित होइन, तर सबै विदेशी नागरिकमाथि लागू हुने भएकाले नेपाली समुदाय सचेत र कानुनी रूपमा बलियो हुन जरुरी छ।”

निष्कर्ष

प्रधानमन्त्री सानाए ताकाइचीको नेतृत्व जापानका लागि निर्णायक मोड का रूपमा हेरिँदैछ ।

कडा विदेश नीति, विदेशी नागरिक नियममा कडाइ र चीनसँगको सुरक्षा तनावले जापानलाई नयाँ प्रकारको राजनीतिक र कूटनीतिक यथार्थतर्फ लैजाँदैछ ।

समर्थकहरूका लागि उनी राष्ट्रिय हित जोगाउने साहसी नेता हुन् भने आलोचकहरूका नजरमा सानाए ताकाइची कूटनीतिक सन्तुलन बिगार्न सक्ने कडा कन्सर्भेटिभ नेताका रुपमा देखिनसक्ने आंकलन गरिएको छ ।
...
Pic : AI Generated