टोकियो, जापान ।

टोकियो क्षेत्रको सिधै मुनि शक्तिशाली भूकम्प आएमा विदेशी नागरिकहरूको लागि सहयोग चुनौतीपूर्ण हुने पूर्वानुमान गरिएको छ।

गत वर्ष भित्रिने पर्यटकहरूको संख्या रेकर्ड ३ करोड ६० लाख नाघेको थियो । तिनीहरूमध्ये धेरैले जापानी राजधानी र वरपरका क्षेत्रहरूको भ्रमण गरेका थिए ।

विदेशी बासिन्दाहरूको संख्या पनि बढ्दै गएको छ, जसमध्ये लगभग ४० प्रतिशत टोकियो र छिमेकी प्रान्तहरू साइतामा, चिबा र कानागावामा बसोबास गर्छन् ।

जुलाईमा, रूसी सुदूर पूर्वको कामचट्का प्रायद्वीपमा गएको शक्तिशाली भूकम्पपछि सुनामी चेतावनी र सल्लाह जारी गरिएको थियो, यातायात सेवाहरू निलम्बन गर्दा धेरै विदेशी नागरिकहरू अलमल्लमा परेका थिए।

यदि ग्रेटर टोकियो क्षेत्रमा ठूलो भूकम्प आयो भने, विदेशी नागरिकहरू आगो वा अन्य खतरनाक परिस्थितिमा फस्न सक्छन् यदि सान्दर्भिक जानकारी तिनीहरूको आफ्नै भाषामा उपलब्ध भएनन् वा पाएनन् भने उनिहरु जोखिमका क्षेत्रबाट बाहिर निस्कन समेत असमर्थ हुनेछन् ।

विदेशी नागरिकहरू निकासी केन्द्रहरूमा पुग्न समेत असर्मथ हुन सक्छन् र उनीहरूलाई आवश्यक सहयोग उपलब्ध गराउन सकिने छैन ।

गलत जानकारीले उद्धार कार्यमा बाधा पुर्‍याउन सक्छ

विज्ञहरूले औंल्याएका अर्को जोखिम भनेको सामाजिक सञ्जाल र अन्य माध्यमबाट नक्कली जानकारी फैलाउनु हो । २०१६ मा, जब जापानको दक्षिणपश्चिमी प्रान्त कुमामोतोमा लगातार दुई ठूला भूकम्पहरू आए, चिडियाखानाबाट सिंह भागेको बारेमा गलत जानकारी अनलाइन पोस्ट गरिएको थियो ।

जेनेरेटिभ एआईको फैलावटका कारण जानकारी वास्तविक हो कि होइन भनेर भन्न गाह्रो हुँदै गइरहेको छ । गलत जानकारीले निकासी र उद्धार कार्यमा बाधा पुर्‍याउन सक्छ र अर्थतन्त्रमा पनि नकारात्मक प्रभाव पार्न सक्छ ।