टोकियो, जापान ।

जापानमा करिब ११ अर्ब ४ करोड येन बराबरको लागूऔषध तस्करी गरेको आरोपमा पक्राउ परेका दुई नेपाली नागरिकलाई अभियोजन पक्षले मुद्दा नचलाउने निर्णय गरेको छ ।

तोयोकावा शहरमा बसोबास गर्ने ३७ वर्षीय कम्पनीमा कार्यरत एक अधिकारी र ३२ वर्षीय अस्थायी कर्मचारीमाथि गत मार्चमा संयुक्त अरब ईमिरेट्स बाट करिब २१५ किलो लागूऔषध बिक्रीका उद्देश्यले जापान ल्याएको आरोप लागेको थियो ।

तर नागोया जिल्ला सरकारी वकिल कार्यालयले संकलित प्रमाणलाई सावधानीपूर्वक मूल्यांकन गर्दा अदालतबाट उचित फैसला प्राप्त हुने आधार पर्याप्त नभएको निष्कर्ष निकाल्दै जुन २ मा उनीहरूलाई अभियोग नलगाउने निर्णय गरेको जनाएको छ ।

यही घटनामा संलग्न भनिएका ५० वर्षीय एक बेलायती नागरिकलाई भने सोही दिन लागूऔषध सम्बन्धी विशेष कानुन उल्लंघनको आरोपमा औपचारिक रूपमा मुद्दा दायर गरिएको छ ।