.jpg)
टोकियो ।
जापानमा सडक दुर्घटनामा परि एक नेपाली युवाको निधन भएको छ ।
माईकल गौचन नाम गरेका नेपाली युवाको सडक दुर्घटनामा परि मृत्यु भएको हो ।
जापानको साईतामा केनमा सडक दुर्घटनामा परि गौचनको सोमबार राती निधन भएको हो ।
प्राप्त समाचार अनुसार सडक पार गर्ने क्रममा गाडीको ठक्करबाट गौचनको निधन भएको हो ।
गौचन विद्यार्थी भिषामा जापान आउनुभएको थियो । गौचनले ग्रीन ईन्टरनेशनल कलेज योकोहामाबाट भाषा विद्यालय 'सेन्मोन गाक्को' सकेर साईतामा केनमा जापानी कम्पनीमा काम गर्न थाल्नुभएको थियो ।
म्याग्दी घर भई परिवारका सदस्यहरु हाल काठमाडौं बसोबास गर्दै आएको बुझिएको छ ।
गौचनले गत बर्षमात्र नेपाल गएर विवाह गर्नुभएको थियो । उहाँको श्रीमती सहित परिवारका सदस्यहरु काठमाडौंमा नै हुनुहुन्छ ।
साईकलमा सवार गौचनलाई सडक पार गर्नेक्रममा गाडीले ठक्कर दिंदा उनको घटनास्थलमै मृत्यु भएको थियो ।
यस बारेमा विस्तृत जानकारी बुझ्ने काम भईरहेको नेपाली राजदूतावासले जानकारी दिएको छ ।
