फिफा विश्वकप २०२६ : जापानको आगामी निर्णायक खेल स्विडेनसँग भोली बिहान ८ बजे हुँदै, यस्तो छ अवस्था
जापान फिफा विश्वकप २०२६ को समूह चरणको अन्तिम खेलमा जापानी समय अनुसार भोली बिहान स्विडेनसँग भिड्दै छ । यो खेल अमेरिकी राज्य टेक्सासको डलासस्थित एटी एन्ड टी स्टेडियममा जुन २५ (स्थानीय समय) मा हुनेछ । जापानी समय अनुसार खेल भोली बिहान जुन २६ तारिख करिब ८ बजे सुरु हुनेछ ।
हाल समूह एफ मा जापान ४ अंकसहित बलियो स्थितिमा छ । जापानले पहिलो खेलमा नेदरल्याण्ड्ससँग २–२ को बराबरी खेलेको थियो भने दोस्रो खेलमा ट्युनिसियालाई ४–० ले पराजित गरेको थियो।समूह एफको अवस्थानेदरल्याण्ड्स – ४ अंकजापान – ४ अंकस्विडेन – ३ अंकट्युनिसिया – ० अंकअंक तालिकाका अनुसार जापानका लागि स्विडेन विरुद्धको खेल अत्यन्त महत्वपूर्ण छ । बराबरी नतिजा पनि जापानलाई नकआउट चरण ९राउन्ड अफ ३२० पुग्न पर्याप्त हुन सक्छ भने जित हासिल गरेमा समूह विजेता बन्ने सम्भावना छ ।जापानी मुख्य प्रशिक्षक मोरियासुले टोलीको एकता र सामूहिक खेल नै सफलताको मुख्य आधार भएको बताएका छन् । केही प्रमुख खेलाडी घाइते रहे पनि जापानले उत्कृष्ट प्रदर्शन गरिरहेको भन्दै उनले स्विडेनविरुद्ध पनि आक्रामक खेल प्रस्तुत गर्ने संकेत दिएका छन् ।विशेष गरी आयासे उएदाले ट्युनिसियाविरुद्ध दुई गोल गर्दै उत्कृष्ट लयमा रहेको देखाएका छन् ।विश्व फुटबलमा एशियाको पावर हाउसको रुपमा रहेको जापानले स्विडेनलाई हराउन सके विश्वकपको नकआउट चरणमा पुग्ने मात्र होइन, उपाधि दाबेदार टोलीहरूमध्ये एकको रूपमा आफ्नो दाबी अझ बलियो बनाउनेछ ।#japansamachar 
.jpg)
