टोकियो, जापान ।

जापानी विदेशमन्त्री तोशिमित्सु मोतेगीले इरानमा थुनामा रहेका दुई जापानी नागरिकमध्ये एकलाई रिहा गरिएको र चाँडै देश फर्कने घोषणा गरेका छन् ।

मोतेगीले फुजी टेलिभिजनलाई बताएअनुसार उक्त व्यक्तिलाई गत वर्षदेखि हिरासतमा राखिएको थियो र बुधबार रिहा गरिएको थियो ।

यस वर्षको सुरुमा पक्राउ परेका अर्का जापानी नागरिक अझै पनि हिरासतमा रहेको उनले बताएका छन् ।

मोतेगीले दुवै जनाको पहिचान खुलाएका छैनन् र रिहा भएका जापानी नागरिकलाई २०२५ मा हिरासतमा राखिएको बताए । उनले इरानी विदेशमन्त्री अब्बास अराघाचीसँगको वार्तापछि रिहा भएको बताए र अर्का बन्दीको रिहाईका लागि आफूहरुले अझैपनि काम गरिरहेको बताएका छन् ।