एजेन्सी ।

इजरायलले लेबनानमाथि हवाई संगै स्थल आक्रमण थालेपछि नजिकको मित्ररास्ट्र ईरानले इजरायलमाथि आक्रमण थालेको छ । 

ईरानले इजरायली राजधानी तेलअभिव दर्जनौं मिसाइल आक्रमण गरेको हो । ति मध्ये अधिकांशलाई आफ्नो मिसाइल प्रतिरक्षा प्रणालीले रोकेको इजरायलले बताएको छ । 

इजरायलले प्यालेस्टाइनको गाजालाई बम र मिसाइल सहित स्थल आक्रमणबाट तहसनहस बनाउदै करिव ४२ हजार ब्यक्तिको नरसंहार गरेको छ ।

गाजा नरसंहारपछि लेबनानमाथि उस्तैखाले आक्रमण थालेपछि ईरानले प्रतिकार थालेको हो ।

इरानको आईआरजीसीले हिजबुल्लाह, हमास र आईआरजीसीका अधिकारीहरूको हत्याको बदला लिन दशौं मिसाइल प्रहार गरेको जनाएको छ ।

राष्ट्रसंघ, चीन, रुस सहित अधिकांश राष्ट्रले इजरायलले छिमेकी राष्ट्रमाथि थालेको सैन्य आक्रमणले अरब राष्ट्र युद्वको संघारमा पुगेको चेतावनी दिंदै आएका छन । 

तर इजरायलले त्यसलाई नकार्दै लेबनान माथि आक्रमण थालेपछि ईरानले प्रतिवाद गरेको हो । गाजामा इजरायली  नरसंहारको बचाउ गर्दै आएको अमेरिकाले लेबनानमाथि आक्रमण थाल्न नपाउदै उसको बचाउ गर्दै साथदिने बताइसकेको छ ।