टोकियो, जापान ।
सन् १९४५ मा अमेरिकाले हिरोसिमामा गरेको आणविक बम विकिरणका कारण ल्युकेमियाका कारण मृत्यु भएकी एक बालिकाको शालिक (मूर्ति) अमेरिकाको एउटा पार्कबाट हराएको छ । प्रहरीले घटनालाई चोरी भएको भन्दै अनुसन्धान गरिरहेको छ ।

स्थानीय मिडिया आउटलेटहरूका अनुसार सासाकी सदाकोको मूर्ति सियाटलको पीस पार्कबाट शुक्रबार हराएकाु हो । पार्कमा रहेको मूर्तिको माथिल्लो भाग चोरी भएर आकृतिको खुट्टा मात्र बाँकी पाइएको प्रहरीले बताएको छ ।

सिएटलको पार्क र मनोरन्जन विभागले चोरी र दुर्भावनापूर्ण दुराचारको घटनाका रुपमा रिपोर्ट लेखाएको प्रहरीको भनाई छ ।

एक टिभी स्टेशनले अधिकारीहरूले घटनामा चोरी भएको मूर्तिमा जडित धातु विक्रि हुनसक्ने आशंकामा स्थानिय व्यापारीहरूलाई सूचित गरेका छन् । चोरले तामाको मूल्य बढेका कारण मूर्तिलाई निशाना बनाइएको अनुमान गरिएको छ ।

सदाकोले आफ्नो स्वास्थ्यलाभको लागि प्रार्थना गर्न हजारौं कागजको क्रेनहरू फोल्ड गरेकी थिइन, तर १२ वर्षको उमेरमा उनको मृत्यु भएको थियो ।

यो मूर्ति सन् १९९० मा उनको सम्झनामा सिएटलमा निर्माण गरिएको थियो । यस परियोजनालाई शान्ति कार्यकर्ता फ्लोयड स्मोईले आर्थिक सहयोग गरेका थिए ।

२००३ मा, एक आक्रमणकारीले मूर्तिकलाको दाहिने हात काटेको थियो । जापान र अमेरिकामा उठेको रकम प्रयोग गरेर आठ महिनापछि यसलाई पुनर्स्थापित गरिएको थियो ।

आणविक बम विष्फोटका पीडितहरूका लागि प्रत्येक वर्ष सिएटलमा एक स्मृति कार्यक्रम आयोजना गर्ने शान्ति संगठनले एनएचकेलाई समाचार संस्थालाई विध्वंशको पछिल्लो कार्यबाट स्तब्ध र दुःखी भएको बताएको छ । यसले नयाँ मूर्ति बनाउन र आणविक हतियार उन्मूलन गर्ने आन्दोलनलाई बढावा दिन थप मानिसहरूलाई सँगै उत्प्रेरित गर्ने आशा राखेको संगठनले जनाएको छ ।