.jpg)
एजेन्सी ।
इरानमा सुधारवादी नेता मानिने मसुद पेजेस्कियान राष्ट्रपतीय निर्वाचनमा विजयी भएका छन् । उनले कट्टरपन्थी नेता सईद जलिलीलाई पराजित गरेका हुन् ।
चुनावी नतिजा अनुसार हालसम्म गणना गरिएको मतमध्ये डा. मसुद पेजेस्कियानले ५३ प्रतिशत भन्दा बढी मत र जलिलीले ४४ प्रतिशत मत प्राप्त गरेका छन् ।
जुन २८ गते भएको पहिलो चरणको मतदानमा कुनै पनि उम्मेदवारले बहुमत पाउन सकेका थिएनन् । इरानमा अहिलेसम्मकै सबैभन्दा कम ४० प्रतिशत मतदान भएको थियो।
इरानका पूर्वराष्ट्रपति इब्राहिम रायसीको राष्ट्रपति पदमा रहँदा यसै वर्षको मे महिनामा हेलिकप्टर दुर्घटनामा मृत्यु भएको थियो ।
इब्राहिम रायसीको पूर्वी अजरबैजान प्रान्तमा बाँधको उद्घाटन गरेर फर्कँदै गर्दा हेलिकप्टर दुर्घटनामा निधन भएको हो ।
उक्त दुर्घटनामा राष्ट्रपति र परराष्ट्रमन्त्रीसहित नौ जनाको मृत्यु भएको थियो । त्यसपछि इरानमा नयाँ राष्ट्रपतिका लागि निर्वाचन भएको हो ।
