एजेन्सी ।
भारतमा जारी लोकसभा चुनावमा मोदी सरकारले आतंककारिलाई सहयोग गरेको आरोपमा जेल हालेका मुश्लिमनेताले जम्भू-कास्मिरका पूर्वमुख्यमन्त्रीलाई हराएका छन ।
जेलमा रहेका शेख अब्दुल रशिदले जम्भू-कास्मिरका पूर्वमुख्यमन्त्री ओमार अब्दुल्लाहलाई हराएका हुन ।
मंगलबार भारतमा लोक सभा चुनावको मत गणना भइरहेको छ।
इन्जिनियर रशिदको नामले चर्चित रहेका शेखले बरामुल्ला क्षेत्रमा एक लाख भन्दाबढी मतान्तरले पूर्वमुख्यमन्त्री अब्दुल्लाहलाई हराएको समाचार संस्था मिन्टले उल्लेख गरेको छ।
रशिदले स्वतन्त्र उम्मेदवारी दिएका थिए। अब्दुल्लाह नेशनल कन्फ्रेन्सका नेता हुन्।
रशिद पाँच वर्षदेखि तिहाड जेलमा छन्। उनले आतंकवादीहरूलाई आर्थिक सहयोग गरी गैरकानुनी गतिविधि गरेको भन्दै सन् २०१९ मा मोदी सरकारले जेल हालेको थियो। बरामुल्लाह क्षेत्रमा मे २० मा मतदान भएको थियो।
रशिद जेलमा हुँदा छोराहरूले बाहिर चुनावी अभियान चालेका थिए।
पराजित भएपछि अब्दुल्लाहले रशिदलाई सामाजिक सञ्जालमार्फत बधाई दिएका छन्।
५७ वर्षीय रशिदले यसअघि दुई पटक चुनाव जितिसकेका थिए।
