टोकियो, जापान ।
नयाँ कोरोना भाईरसबाट संक्रमित पाईएकी लोकप्रिय जापानी अभिनेत्री कुमिको ओकाएको निधन भएको छ ।
कोरोना भाईरसबाट संक्रमित पाईएपछि टोकियो स्थित एक अस्पतालमा उपचाररत कुमिको ओकाएको आज निधन भएको हो ।
६३ बर्षिया अभिनेत्री कुमिको ओकाएको निधन भएको उनका श्रीमान् बाकु ओवादा र छोरी मिहो ओवादाले पुष्टि गरेकी हुन् ।
ओवादाका अनुसार ओकाएको अप्रिल २३ तारिख बिहिबार बिहान ५ बजेर २० मिनेटमा मृत्यु भएको हो ।
आफ्नो श्रीमतीको निधन भएको बारे जानकारी गराउने क्रममा उनले भने-'फ्यान, साथीहरु तथा आफन्तजनबाट पाएको साथ र सहयोगको लागि धन्यवाद व्यक्त गर्दछु । यसका साथै उपचारमा संलग्न चिकित्सकहरुको सहयोगप्रति धन्यवाद व्यक्त गर्दछु । कोरोना भाईरस एकदमै डरलाग्दो भएकाले, कृपयाँ तपाईहरुले सावधानी अपनाउनुहोला ।'
स्मरणीय छ यसअघि जापानका सर्वाधिक लोकप्रिय हांस्य अभिनेता केन सिमुराको तीन साताअघि कोरोना भाइरसकै कारण ज्यान गएको थियो ।
...
लोकप्रिय हाँस्य कलाकारको मृत्युले जापानलाई कोरोनाभाइरसको भयाबह स्थितीको चेतना जगायो
यसअघि प्रकाशित समाचारमा निधन हुनुभएकी कुमिको ओकाएको उच्चारण अन्यथा पर्न गएकोमा सच्चाईएको छ । यसबाट पर्न गएको असुविधाको लागि क्षमा माग्दछौं । सम्पादक
...
