(Japan) 3 rd July | 2022 | Sunday | 5:41:14 AM || (Nepal) 2:26:14 AM
 
 

जापानमा नेपाली विद्यार्थीको असामयिक निधन-हत्या भएको आशंका

  POSTED ON : Sunday, 09 January, 2022 | Views : 23238

जापानमा नेपाली विद्यार्थीको असामयिक निधन-हत्या भएको आशंका


टोकियो, जापान ।

जापानमा अध्ययनरत एक नेपाली विद्यार्थीको असामयिक निधन भएको छ । प्रहरीले बताएको प्रारम्भिक जानकारी, घटनाको प्रकृति तथा मृतक र आरोपित व्यक्तिहरुको सम्बन्धका आधारमा मृतक सुजन बर्सिलाको हत्या आशंकामा नियन्त्रणमा लिएको छ ।

जापानसमाचारलाई प्राप्त जानकारी अनुसार मृत्यु हुनेमा गोरखाका सुजन बर्सिला हुन् ।

घटना गत शुक्रबार जनवरी ७ तारिख राती भएको हो । अन्दाजी २२ बर्षिय जापानी भाषा विद्यार्थीको रुपमा अध्ययनरत बर्सिलालाई उनका दुई साथिहरुले हत्या गरेको आशंका गरिएको छ ।

मृतक बर्सिला विद्यार्थी भिषामा अध्ययनका लागि तिन बर्ष अधि जापानको फुकुओकामा आएका थिए ।

मृतक सुजन बर्सिलाको शव हाल पोष्टमार्टमका लागि प्रहरीको नियन्त्रणमा रहेको छ । प्रहरीले मृत्यू शंकास्पद रहेको बताएपनि स्पष्ट कारण पोष्टमार्टम रिपोर्टपछि थाहा हुने बताएको छ ।

घटनाको बारेमा नेपालमा रहेको परिवारलाई जानकारी गराईसकिएको बताईएको छ ।