सुमनाको रामहरीलाई चुनौति 'ल्याङल्याङ किन ? उपसभामुखमा मिडिया ट्रायल हैन नक्कली भुटानी शरणार्थी छानविन गरौं तयार हो ?'
काठमाडौं, नेपाल ।अमेरिकी दूतावासलाई अन्तरर्वार्ताको मिति अघि सारिदिन अनुरोध गर्दै डेढ वर्ष अघि लेखेको पत्रको विषयलाई मानव तस्करीको आरोप लगाउँदै मिडियाबाजी गरेपछि संसदमा राष्ट्रिय स्वतन्त्र पार्टिका सांसदहरु आक्रोसित देखिएका छन् ।उपसभामुख इन्दिरा रानाले अमेरिकी दूतावासलाई लेखेको पत्र १ वर्षदेखि गोजीमा राखेर संवैधानिक परिषमा अल्पमतमा परेपछि उपसभामुख कार्ड खेलेको सांसद सुमना श्रेष्ठले आरोप लगाएकी छिन् ।नेपाली काँग्रेसका सांसद रामहरी खतिवडाले अन्तर्वार्ताको मिति नजिकको मितिमा सारिदिन गरिएको पत्रलाई मानव तस्करी गरेको भनेर चरित्र हत्या गर्न खोजेपछि श्रेष्ठले आपत्ति जनाएकी हुन् । संवैधानिक परिषद्मा अल्पमतमा परेपछि उपसभामुखको पत्र ल्याइएको उनले बताइन ।प्रतिनिधिसभाको आइतबारको बैठकमा सांसद श्रेष्ठले संवैधानिक परिषद्मा सत्तापक्ष अल्पमतमा परेपछि उपसभामुख रानाले राजदूतावासलाई लेखेको पत्र सार्वजनिक गरिएको र लान्छना लगाइएको बताइन् । एक जना सांसदले संसद् र सडकमा एक व्यक्तिलाई भिसा देउ भनेर आन्दोलन गरेको देखेको भन्दै सांसद श्रेष्ठले लेटरप्याडको प्रयोगको विधि बनाउनुपर्ने बताइन् ।'उपसभामुख इन्दिरा रानाको नामबाट मिडिया ट्रायल भइरहेको छ, यसमा आपत्ति जनाउन चाहन्छु' उनले भनिन्, 'आचरण हेर्ने हो भने सबै जनाको लेटरप्याडबाट के के निस्क्या छ हेरौं र साच्चै पद्धति बनाउँ । यो वास्तवमै आचरण विरुद्धको कार्य हो ? तपाईंहरूलाई मन लाग्यो मिडिया ट्रायल गर्यो ।'उपसभामुखमाथि मानव तस्करी जस्तो गम्भीर आरोप संसद्मा लगाएको भन्दै श्रेष्ठले आपत्ति जनाइन् । कांग्रेस सांसद रामहरि खतिवडाले उपसभामुखले मानव तस्करी गरेको आरोप लगाएका थिए । त्यसको प्रतिवाद गर्दै सांसद श्रेष्ठले भनिन्, 'भुटानी शरणार्थी कसले गरेको हो भनेर घोषणा गर्नुस् आँट छ ? एउटा महिला कठिन समयमा यहाँ आउनुभएको छ उहाँलाई हेप्न नखोज्नुहोला । साच्चै विधि पद्धति बनाउन चाहनुहुन्छ ? एकवर्षदेखि पत्र हातमा बोकेर बस्नुभएको रहेछ कुन बेला ठोकौं भनेर ।'संवैधानिक परिषद्मा सहयोग चाहिए माग्न तर उपसभामुखमाथि यस्तो आरोप नलगाउन सांसद श्रेष्ठको भनाइ थियो । 'यो साँच्चिकै छानबिन गर्ने हो भने गरोस् पार्टी पनि तयार छ तर प्रोपर तरिकाले गरोस् । मिडिया ट्रायल गरेर भाष्य बनाउने, पद्धति नबनाउने र मान्छेको चरित्र हत्या गर्ने त्यो पनि किन भन्दा संवैधानिक परिषद्मा एमालेको दुई, माओवादीको दुई, रास्वपाको एक र प्रधानन्यायाधीश एक, यो अल्पमतमा पर्यो भनेर हो रु माग्नुस् न हो, माग्नुस् दिउँला तर कसैको चरित्र हत्या गरेर मानव तस्कर भन्ने लाञ्छना गर्ने ?' उनले भनिन् ।आफ्नो भएभरको जायजेथा अनाथाश्रममा लगाउने महिलामाथि पैसाको लागि मानव तस्कर गरेको चरित्र हत्या गर्न नपाइने श्रेष्ठको भनाइ थियो । विधि पद्धति बसाउन हो भने तयार रहेको तर चरित्र हत्या स्वीकार्य नभएको उनले बताइन् । 
