(Japan) 30 th November | 2022 | Wednesday | 1:02:43 PM || (Nepal) 9:47:43 AM
 
 

'प्रचण्ड' गोरखा-२ बाट प्रतिनिधिसभा सदस्यमा बिजयी, एमालेका अब्दुस मियाँ तेस्रो

  POSTED ON : Thursday, 24 November, 2022 | Views : 206

'प्रचण्ड' गोरखा-२ बाट प्रतिनिधिसभा सदस्यमा बिजयी, एमालेका अब्दुस मियाँ तेस्रो


गोरखा, नेपाल ।

प्रतिनिधिसभा गोरखा क्षेत्र नम्बर २ मा नेकपा माओवादी केन्द्रका अध्यक्ष पुष्पकमल दाहाल भारी मतान्तरले विजयी भएका छन् । २६ हजार १ सय ३ मतसहित दाहाल विजयी बनेका हुन् ।

उनका निकटतम् प्रतिद्वन्द्वी राष्ट्रिय स्वतन्त्र पार्टीका कवीन्द्र बुर्लाकोटीले १२ हजार ६ सय ३७ मत ल्याएर पराजित बने ।

नेकपा एमालेका अब्दुस मिँयाले भने ७ हजार ३ सय ९३ मत प्राप्त गरेका छन् । दाहाल विजयी बने पनि निर्वाचन अधिकृतको कार्यालयले आधिकारिक घोषणा भने गरिसकेको छैन ।

गोरखा–२ मा ५४ हजार ३१ मत खसेको थियो । त्यसमध्ये ५० हजार ९ सय ७ सदर र ३ हजार १ सय २४ बदर भएको थियो ।