(Japan) 30 th November | 2022 | Wednesday | 12:57:56 PM || (Nepal) 9:42:56 AM
 
 

शताब्दी पुरुष सत्यमोहन जोशीलाई डेंगी र पिसाब संक्रमण, अवस्था चिन्ताजनक-चिकित्सक भन्छन् ‘डराइहाल्नुपर्ने छैन’

  POSTED ON : Saturday, 24 September, 2022 | Views : 378

शताब्दी पुरुष सत्यमोहन जोशीलाई डेंगी र पिसाब संक्रमण, अवस्था चिन्ताजनक-चिकित्सक भन्छन् ‘डराइहाल्नुपर्ने छैन’


काठमाडौं, नेपाल ।

शताब्दी पुरुष सत्यमोहन जोशी अस्पताल भर्ना भएका छन्। 

विगत केही दिनदेखि निरन्तर कमजोर महसुस हुने, खानामा अरूचि हुने जस्ता समस्या भएकाले उनी शुक्रबार किस्ट अस्पतालमा भर्ना भएका हुन्।

अस्पतालका अनुसार उनी चिकित्सकहरूको निरन्तर निगरानीमा छन्। 

शुक्रबार अस्पतालका चिकित्सक तथा नर्सिङ टिम उनको निवासमा पुग्दा धेरै कमजोर देखिएका र खानपिन पनि छाडेकाले त्यही टोलीले उनलाई अस्पतालको आकस्मिक कक्षमा ल्याएको थियो।

जोशीलाई विभिन्न विभाग (मेडिसिन, पल्मोनोलोजी, युरोलोजी, कार्डियोलोजी, नेफ्रोलोजी) का चिकित्सकले संयुक्त जाँच गरेको अस्पतालले जनाएको छ।

'जोशीलाई पिसाब संक्रमण, पुरानो छाती तथा मुटुको समस्या साथै डेंगी पनि देखिएको छ,' अस्पतालले भनेको छ।

अस्पतालका अनुसार उनलाई हाल डिलक्स क्याबिनमा सुक्ष्म निगरानीमा राखिएको छ। उनको अवस्था चिन्ताजनक देखिए पनि डराइहाल्नुपर्ने स्थिति नरहेको पल्मोनोलोजिस्ट तथा इन्टरनल मेडिसिनका विभागीय प्रमुख प्राध्यापक डाक्टर मिलेस जंगसिजापतीले बताएका छन्।

किष्ट शिक्षण अस्पतालले जोशी र उनकी श्रीमती राधादेवी जोशीको सम्पूर्ण स्वास्थ्यको जिम्मेवारी लिई सेवा दिँदै आएको बताएको छ।