(Japan) 27 th September | 2022 | Tuesday | 5:58:54 PM || (Nepal) 2:43:54 PM
 
 

सरकारी ढुकुटिमा राजनीति-वृद्धभत्ता ६५ वर्षमै दिने तयारी

  POSTED ON : Sunday, 22 May, 2022 | Views : 830

सरकारी ढुकुटिमा राजनीति-वृद्धभत्ता ६५ वर्षमै दिने तयारी


काठमाडौं, नेपाल ।

विशेषगरी नेकपा एमाले एमालेले सामाजिक सुरक्षा भत्तालाई भोट राजनीतिमा प्रयोग गर्दै आएकोमा नेपाली काँग्रेसले पनि त्यसलाई निरन्तरता दिने भएको छ । यसको लागि पार्टि सभापती तथा प्रधानमन्त्री शेरबहादुर देउवाले त्यसलाई निरन्तरता दिंदै बुद्धभत्ताको उमेर घटाउन लागेका छन् ।

मुलुकको अर्थतन्त्रको क्षमता अनुसार सामाजिक सुरक्षाभत्ताको दायरा बढाउन कठिन भए पनि वर्तमान सरकारले ६५ वर्ष पुगेका नागरिकलाई वृद्धभत्ता वितरणको तयारी गरेको छ । आर्थिक वर्ष २०७९र८० को बजेटमा ६५ वर्ष पुगेका नागरिकलाई वृद्धभत्ता दिने तयारी गरिएको हो ।

अहिले ७० वर्ष पुगेका नागरिकले मासिक ४ हजार वृद्धभत्ता पाउँछन्।

सरकारले ६५ वर्ष उमेरमाथिका नागरिकलाई सामाजिक सुरक्षा भत्ता दिँदा राज्यलाई वार्षिक करिब ३० अर्ब रुपैयाँ भार थपिने अर्थ मन्त्रालयका अधिकारी बताउँछन् ।

राष्ट्रिय परिचयपत्र तथा पञ्जीकरण विभागका अनुसार अहिले मुलुकभर सामाजिक सुरक्षा भत्ता प्राप्त गर्ने लाभग्राहीको संख्या करिब साढे ३४ लाख छ। सरकारले सामाजिक सुरक्षाका लागि वार्षिक करिब एक खर्ब रुपैयाँ खर्च गर्दै आएको छ ।