ओसाका, जापान ।
ओसाका प्रान्तको सकाई शहरमा प्रहरीले पूर्व सहपाठीको घर जलाएको आरोपमा १६ वर्षीय किशोरलाई पक्राउ गरेको छ ।
प्रहरीका अनुसार, जनवरी २४ मा बिहान करिव ९ बजे अभियुक्तले दुई तले घरमा पसेर आगो लगाएको आशंका गरिएको छ ।
त्यतिबेला आमाबाबु र उनीहरूका तीन बच्चाहरूमध्ये दुई बाहिर थिए । १२ वर्षीया बालिका आगोबाट बच्न दोस्रो तलाबाट हाम फालेकी थिइन् । खुट्टामा चोट लागेको र धुवाँमा निसास्सिएको कारण उनलाई उपचारका लागि अस्पताल लगिएको थियो । घर पूर्ण रूपमा जलेर नष्ट भएको छ ।
आगो लागेको घरमा बस्ने बालकले अभियुक्त पूर्व जुनियर हाई स्कूलको सहपाठी भएको बताएका छन् ।
आगलागी लगत्तै एक प्रत्यक्षदर्शीले एक किशोरलाई घरबाट बाहिर निस्किरहेको देखेका थिए । प्रहरीले सडक निगरानी क्यामेरा फुटेजको विश्लेषण गरेपछि संदिग्ध व्यक्तिको पहिचान गरेको थियो ।
आफ्नो बुबासँगै अभियुक्तले शनिबार राति प्रहरीमा आत्मसमर्पण गरेका हुन् ।
प्रहरीले आरोप अस्वीकार गरेको र 'म यो सबै मेरो वकिललाई छोड्छु' भन्दै थप बोल्न अस्विकार गरेको बताइएको छ ।