टोकियो, जापान ।
जापानमा कोरोना भाइरस (कोभिड-१९) का कारण हालसम्म ७ करोड भन्दा बढि संक्रमणको घटना पाइएको तथ्यांक सार्वजनिक भएको छ । यसैगरि कोरोना भाइरस संक्रमण पश्चात निधन भएकाको संख्या १ लाख ३० हजार पुगेको छ ।
सन् २०१९ मा सुरु भएर सन् २०२२ मा कोडिभ संक्रमणको महामारिपछि कोभिड संक्रमणकै कारण ज्यान गुमाउनेको संख्यामा लगातार उल्लेख्य कमि आएको सरकारी तथ्यांकले देखाएको छ । तर डरलाग्दो पक्ष के भने अझैपनि भित्रभित्रै फैलिरहेको कोभिड संक्रमणबाट अन्य अन्य फ्लुको संक्रमणबाट ज्यान गुमाउनेको संख्या भन्दा उच्च रहेको छ ।
जापानले सन् २०२३ बाट कोभिड संक्रमणलाई सामान्य फ्लुमा वर्गिकरण गरेसँगै सिमा खुला तथा यसको नियमित संक्रमित तथ्यांकहरु राख्न र सार्वजनिक गर्न छाडेको छ ।
जापानले सन् २०२३ मे महिनादेखि कोभिडलाई फ्लू सरह सामान्य सरुवा भाइरसमा वर्गिकरण गरेको छ ।
जनसंख्या गिरावटको चर्को दबाव खेपिरहेको जापानमा कोभिड महामारीपछि जन्मदरमा थप तिब्रगतिमा गिरावट देखिएको छ ।
मानसिक रोगी तथा आत्महत्या लगायतका घटनामा समेत बृद्धि भएको विवरणहरुले देखाएपनि देशको अर्थतन्त्र पूर्ववत अवस्थामा फर्किएको छ । तर जापानी येनको लगातारको गिरावट, महंगी लगायतका कारण कोभिड महामारिबाट मुक्त भएको खुशी साट्न नपाउँदै जापानवासीहरु येनको अवमूल्यनले महंगिको तिब्र सामना गरिरहेका छन ।