टोकियो, जापान ।

साप्पोरो फायर डिपार्टमेन्टका अनुसार २६ तारिख दिउँसो ३ः१८ बजे साप्पोरोको सुसुकिनोमा रहेको एउटा भवनमा बिस्फोट भएको छ । एक भवनको झ्यालबाट विष्फोटको आवाज सुनिएको र आगो देखेको खवर प्राप्त भएको दमकल विभागले जनाएको छ ।

दमकल विभागका अनुसार तीन जना घाइते भएका छन्, जसमध्ये एक जना बेहोस छन् ।

आगो निभाउन १७ दमकल र अन्य गाडीहरू पठाइएको प्रहरी र दमकल विभागले घटनाको अनुसन्धान गरिरहेको जनाएको छ ।

एनएचकेले भवनहरू र अग्निनियन्त्रकहरूले पानी छर्किरहेको बीचबाट सेतो धुवाँ निस्किरहेको भिडियो प्रशारण गरेको छ ।

घटना साप्पोरोको सुसुकिनोमा रहेको बहु प्रयोगमा रहेको भवनहरू भएको क्षेत्रमा भएको जनाएको छ । विस्फोट भइरहेको क्षेत्रमा केहि समय भागभाग भएको बताइन्छ ।