टोकियो, जापान ।
गत वर्ष जनवरीमा ह्योगो प्रान्तको हिमेजीस्थित आफ्नो घरमा ८ वर्षीया छोरीलाई छाडेर कफको औषधी नियमित रुपमा लिन आवश्यक हुँदा नपाएर मृत्यु भएको आशंकामा प्रहरीले ३२ वर्षीया आमालाई पक्राउ गरेको छ ।
गम्भीर अपाङ्गताका कारण छोरीको निसासिएर मृत्यु भएको थियो । आमाले आरोप स्वीकार गरेको हो वा होइन भन्ने कुरा 'भन्न चाहन्न' भन्ने जवाफ सोधपुछमा बताएको प्रहरीले जनाएको छ ।
पक्राउ परेका व्यक्ति ह्योगो प्रिफेक्चरको हिमेजी सिटी कार्यालयमा कार्यरत सिमादा मिसाकी हुन् । प्रहरीका अनुसार गत वर्ष जनवरी २७ गते गम्भीर अपाङ्गताका कारण कफको औषधी सेवन गर्न नपाउँदा ८ वर्षीया छोरी एमियुलाई हिमेजी सिटीस्थित आफ्नै घरमा छाडेर निसास्सिएर मृत्यु भएको प्रहरीले जनाएको छ ।
प्रहरीका अनुसार आमा एक्लैले छोरीको हेरचाह गर्दै आएकी थिइन् ।
उनले बच्चाले सास फेर्न नसकेको कुरा आफैंले फायर डिपार्टमेन्टलाई रिपोर्ट गरेकी थिइन् । प्रहरीले छोरीको निधन बारे सोध्दा उनले 'म भन्न चाहन्न' भन्दै मृत्युको कारण र हत्या आरोपबारे केहि नबताएको प्रहरीले जनाएको छ ।
प्रहरीले हाल मृत्युको परिस्थितिहरूबारे विस्तृत रूपमा अनुसन्धान गरिरहेको जनाएको छ ।
