ओकिनावा, जापान ।

प्रवास नेपाली सम्पर्क विभाग जापान ओकिनावा शाखाको संयोजकत्वमा नेपालीहरुको प्रमुख चाड तिहारको अवसर पारेर रक्तदान कार्यक्रम सम्पन्न भएको छ।

शुक्रवार ओकिनवाको नाहा सहरस्थित ओकिनावा रेडक्रस ब्लड सेन्टरमा रक्तदान गरिएको हो । कार्यक्रममा ओकिनावा साखा समितिका सदस्यहरु सहित जापानमा नेपाली कमेडियनको रुपमा परिचित राम प्रशाद आचार्य (रामु च्यान) को पनि सहभागीता रहेको थीयो ।

रक्तदान कार्यक्रमले जापानी समुदायमा राम्रो सन्देश दिने र कर्मभुमी प्रतिको जिम्मेवारी समेत भएको संयोजक रेशम पोख्रेलले बताए । 

सो अवसरमा रेडक्रसका कर्मचारीहरुले यस्ता कार्यहरुलाई निरन्तरता दिन आग्रह सहित रक्तदान जस्तो अमूल्य काम गरेकोमा आयोजक र रक्तदाताहरुप्रती आभार ब्यक्त गरेका थिए ।