आईची, जापान ।

जापानको आइची प्रिफेक्चर सुसिमा शहरमा प्रहरीले एक व्यक्तिको मृत्युको अनुसन्धान गरिरहेको छ, जसको शव बुधबार रेस्टुरेन्टको फोहोर फाल्ने भाँडोमा फेला परेको थियो ।

बेलुका ४ः२५ बजे प्रहरीले उक्त घटनाको पहिलो फोन आएको जनाएको छ । फोहोर फाल्ने कम्पनीका कर्मचारीले फोहोरको कन्टेनर भित्र 'मानव खुट्टा जस्तो देखिने कुरा' भेटिएको बताएका थिए ।

प्रहरीले घटनास्थलमा गएर फोहोरको कन्टेनर भित्र एक पुरुषको नग्न शव फेला पारेको थियो । मृतकको शरिरमा बाहिरी चोटपटकको कुनै लक्षण नदेखिएको र मृत्युको कारण पत्ता लगाउन पोस्टमार्टम गरिने प्रहरीले जनाएको छ ।