(Japan) 20 th May | 2022 | Friday | 3:01:48 AM || (Nepal) 11:46:48 PM
 
 

जापान कोभिड अपडेट : ३६ जनाको निधन-३९,६४७ जना संक्रमित

Jack Khadka   POSTED ON : Saturday, 14 May, 2022 | Views : 1608

जापान कोभिड अपडेट : ३६ जनाको निधन-३९,६४७ जना संक्रमित


टोकियो, जापान ।

जापानमा मे १३ तारिख शुक्रवार कोभिड १९ भाइरसबाट ३६ जनाले ज्यान गुमाएका छन् । जापानको स्वास्थ्य मन्त्रालयका अनुसार देशभरमा ३९ हजार ६४७ जना कोभिड संक्रमित थपिएका छन् ।

निधन हुनेमा साइतामा प्रान्तमा ७ जना, होक्काइदोमा ५ जना, टोकियोमा ४ जना, चिबा प्रान्तमा ३ जना, ओसाका प्रान्तमा ३ जना, कानागावा प्रिफेक्चरमा ३ जना, इबाराकी प्रिफेक्चरमा ३ जना, हिरोसिमा प्रिफेक्चरमा २ जना, फुकुओकामा २ जना सहित कुल ३६ जना रहेका छन् ।

जापानमा संक्रमित भएको पुष्टि भएका व्यक्तिको संख्या विमानस्थल क्वारेन्टाइन, क्रुज जहाँज सहित हालसम्म ८,३८९,४९१ पुगेको छ ।

मृत्यु हुनेको कुल संख्या जापानमा ३० हजार १३ पुगेको छ ।

स्वास्थ्य, श्रम तथा कल्याण मन्त्रालयका अनुसार नयाँ कोरोना भाइरसबाट सङ्क्रमित भएको पुष्टि भई श्वासप्रश्वास यन्त्र वा सघन उपचार कक्षमा उपचार गराइरहेका गम्भीर बिरामीको सङ्ख्या १५६ रहेको छ ।

अर्कोतर्फ कोभिड संक्रमित भएर उपचार पश्चात निको भएर डिस्चार्ज भइसकेका कुल व्यक्तिको संख्या ७,८९१,५९६ रहेको छ ।