टोकियो, जापान ।
हरितालिका तीजको अवसरमा यस बर्ष टोकियोमा आयोजित दुई दर्जन सांस्कृतिक कार्यक्रमहरु मध्ये बहुप्रतिक्षित र यस बर्षको सम्भवत अन्तिम कार्यक्रम भोली सेप्टेम्बर ५ तारिख बिहिबार टोकियोको मेगुरो कुमिन सेन्टरमा हुँदैछ ।
ओकिनावा, फुकुओका, नागोया, होक्काइदो, उचुनोमिया हुँदै शिजुओखासम्मका आफ्ना सबै तीज विशेष कार्यक्रम भव्य बनाउन सफल लोकप्रिय गायक रामजी खाँड, सम्झना लामिछाने मगर सहित समिक्षा अधिकारी यसको मुख्य आकर्षण रहेका छन् ।
टोकियोमा रहेका स्थानिय कलाकारहरुको समेत प्रस्तुती रहने तीज फेस्टिवल नाम दिइएको कार्यक्रमको सम्पूर्ण तयारी पुरा भएको आयोजक संस्था लाइफ फर फ्रेण्डसका खिमराज शाहले जानकारी दिनुभयो ।
मेगुरो कुमिन सेन्टरमा साँझ ५ः३० बजेबाट सुरु हुने कार्यक्रमको लागि प्रवेश शुल्क ३,००० येन तोकिएको छ ।
हालसम्म करिव २ सय टिकट विक्रि भएको बताउँदै आयोजकले बुकिगं भएका र कार्यक्रम स्थल मेगुरो कुमिन सेन्टरको गेटमै समेत गरि करिव ५ सय दर्शक उपस्थित हुने अनुमान गरिएको बताएको छ ।
यस बर्षको टोकियोको अन्तिम तीज विशेष नाचगान कार्यक्रम भएकाले दर्शकहरुको उल्लेख्य उपस्थिति हुने विश्वास गरिएको छ । कार्यक्रममा टोकियो र आसपासका क्षेत्रहरुमा बसोबास गर्नुहुने नेपाली दिदिबहिनीहरु सहित सबैमा कार्यक्रममा उपस्थित भएर रमाइलो गर्नको लागि आयोजक संस्थाका खिमराज शाहले निमन्त्रणा समेत गरेका छन् ।
