एजेन्सी ।
अश्लिल हर्कतका कारण विवाद र चर्चामा रहनेगरेकी भारतीय अभिनेत्री एवम् मोडल पुनम पाण्डेको अल्पायुमै निधन भएको छ ।
पुनमको म्यानेजरले उनको निधन भएको पुष्टि गरेको भारतीय समाचार संस्थाहरुले उल्लेख गरेका छन् । ३२ वर्षीय पाण्डेले सर्भिकल क्यान्सर रोगको उपचार गराउँदै आएकी थिइन् ।
पूनम पान्डेको आधिकारिक इन्ष्टाग्राम पेजमा उनले टिमले आधिकारिक बयान जारी गरेको छ । फेब्रुअरी १ को राति उनको मृत्यु भएको बताइएको छ ।
पाण्डेको अन्तिम संस्कारसम्बन्धी विवरणहरू आइसकेका छैनन् । पुनमले सन् २०१३ मा नशा फिल्मबाट बलिउडमा डेब्यू गरेकी थिइन् ।
सन् २०११ मा क्रिकेट विश्व कप फाइनल अघि भारतले फाइनल खेल जितेमा नांगिने घोषणा गर्दै भिडियो सार्वजनिक गरेपनि उनी चर्चा र विवादमा मुछिएकी थिइन् ।
अन्तिम पटक पुनम बलिउड अभिनेत्री कंगना रनौतले होस्ट गरेको रियालिटी शो लक अपको पहिलो सिजनमा देखिएकी थिइन् । तर उक्त शो पुनमले जित्न सकिनन् । पाण्डेले आफ्नो अन्तिम भिडियो २९ जनवरीमा शेयर गरेकी थिइन् ।