टाकियो, जापान ।
मौसम उपग्रह अनुसार दक्षिणी महासागरमा धेरै ताइफुको बादलहरु विकास भएको जापान मौषम विज्ञान एजेन्सीले बताएको छ ।
दक्षिण चिन सागरमा देखिने घुमाउरो बादलहरू ताइफु ११ निर्माण अघिको अवस्था भएको भन्दै मौषम अधिकारीहरुले यस्ता ३ वटा ताइफुको सम्भावना रहेको बताएका छन् ।
न्यानो समुद्री सतहमा द्रुत गतिमा ताइफुको विकास भइरहेको र बुधवार साँझ सम्ममा ताइफु शक्तिशाली रुप लिने अवस्थामा पुगेको बताइएको छ ।
एउटा ताइफु शक्तिशाली रुपमा विकास भइरहँदा जापानको दक्षिणी महासागरमा कम्तिमा दुई स्थानहरूमा घुमिरहेको बादलहरू जुन भविष्यमा ताइफुको रुपमा विकास हुने स्पष्ट अवस्थामा देखा परेको छ ।
दुबै अवस्थाका बादलहरू घडीको उल्टो दिशामा घुमिरहेका र यसले न्यून चाप प्रणालीलाई संकेत गरेको बताइछ ।
शक्तिशाली ताइफुको रुपमा हेरिएको यागी नामको यस सिजनको ११ औं ताइफु दक्षिण चीन सागरमा छ र बिस्तारै पश्चिमतर्फ सर्दैछ ।
हालै जापानमा प्रहार गरेको ताइफु नम्बर १० जसलाई शानशान भनिएको थियो, त्यो जत्तिकै यसको असर हुने पूर्वानुमान गरिएको छ ।
ताइफु नम्बर ११ ले जापानको मुल भूमि क्षेत्रलाई भने असर नगर्ने पूर्वानुमान गरिएको छ ।
यो दक्षिणी चीनबाट भियतनामतिर सरिरहेको छ । ताइफुले उच्च ज्वारभाटा र भारी वर्षा सहित ठूलो प्रभाव पार्नेछ ।
जापानमा आँधीको तथ्याङ्क हेर्दा, ताइफुको लागि औसत समय अगस्टदेखि सेप्टेम्बरको वरिपरि हुन्छ ।
यो सिजनमा मारिया र शानशान ताइफुले असर पारेको जापानलाई आगामी दिनमा आउनसक्ने नयँ ताइफुले उस्तै असर पार्ने सम्भावना रहेपनि केहि दिनभित्र नयाँ ताइफुको आकार र यसले यात्रा गर्ने बाटो अनुमान गर्न सकिने भएकाले दक्षिणी महासागरमा बिकास भइरहेको बादलहरूको आवागमनमा निरन्तर ध्यान दिनु आवश्यक रहेको जापान मौषम विज्ञान एजेन्सीले जनाएको छ ।
