काठमाडौं, नेपाल ।
क्रिकेटर सन्दीप लामिछानेले आईसीसी टी ट्वेन्टी विश्वकप खेल्ने पक्का भएको छ ।
अन्तर्राष्ट्रिय क्रिकेट काउन्सिल आईसीसीले नेपाल क्रिकेट संघ क्यानले सन्दिपलाई विश्वकप टिममा समेट्न पठाएको पत्राचारलाई स्विकृत गरेपछि सन्दिपको विश्वकप सहभागीता निश्चित भएको हो ।
झुठो जबर्जस्ती आरोपलाई उच्च अदालत पाटनले सफाइ दिएपछि क्रिकेटर सन्दीप लामिछानेमाथिको निलम्बन यसअघिनै क्यानले फुकुवा गरिसकेको छ ।
लामिछानेलाई विश्वकप खेल्न अमेरिका पठाउने तयारी भइरहेको नेपाल क्रिकेट संघ क्यानका अध्यक्ष चतुरबहादुर चन्दले जानकारी दिएका छन् । सन्दिपले हस्टनमा हुने अमेरिका र क्यानडासँगको अभ्यास खेल पनि भ्याउनेगरि क्यानले एक दुई दिनभित्रै अमेरिका पठाउने तयारी गरेको छ ।
विश्वकपमा सहभागी हुने निश्चित भएपछि सन्दिपले बुधवारबाटै नियमित अभ्यास थालेका छन् ।
अमेरिका र वेस्ट इन्डिजमा हुने विश्वकप खेल्ने नेपाली टिम भने यसअघि नै अमेरिका पुगिसकेको छ ।
जबर्जस्ती करणी मुद्दामा काठमाडौं जिल्ला अदालतबाट आठ वर्ष कैद र पाँच लाख रुपैयाँ जरिवाना तोकिएका लामिछानेले बुधबार उच्च अदालत पाटनबाट सफाइ पाएका थिए ।
