काठमाडौं, नेपाल ।

आसिफ शेखको शतक प्रेरित ब्याटिगंमा नेपालले आईसीसी क्रिकेट विश्वकप लिग–२ को अन्तिम शृंखलाको पहिलो खेलमा पपुवा न्युगिनी (पीएनजी) विरुद्ध २९८ रनको कीर्तिमानी लक्ष्य प्रस्तुत गरेको छ । 

कीर्तिपुरस्थित त्रिवि क्रिकेट मैदानमा आसिफले आफ्नो करियरकै पहिलो अन्तर्राष्ट्रिय शतक बनाएपछि टस हारेर ब्याटिङमा आएको नेपालले ४९.१ ओभरमा सबै विकेट गुमाएर २९७ रनको योगफल खडा गर्‍यो ।

नेपालले दिएको लक्ष्य पछ्याउँदै पिएनजिले जवाफी ब्याटिगं थालेको छ । खेलमा पिएनजिले टस जितेर फिल्डिगं रोजेको थियो ।