(Japan) 20 th May | 2024 | Monday | 12:15:35 AM || (Nepal) 9:00:35 PM
 
 


उत्तर कोरियाद्धारा रकेट लन्चर प्रणालीका लागि नियन्त्रण गर्न मिल्ने गोलाको परीक्षण

  POSTED ON : Saturday, 11 May, 2024 | Views : 316

उत्तर कोरियाद्धारा रकेट लन्चर प्रणालीका लागि नियन्त्रण गर्न मिल्ने गोलाको परीक्षण


टोकियो, जापान ।

उत्तर कोरियाले आफ्ना नेता किम जोङ उनले शुक्रबार २४० मिलिमिटरको मल्टिपल रकेट लन्चर प्रणालीको अपडेटेड संस्करणका लागि नियन्त्रण गर्न सकिने गोलाको सफल परीक्षणको निरीक्षण गरेको बताएको छ ।

उत्तर कोरियाको सत्तारुढ वर्कर्स पार्टीको अखबार, रोडोङ सिनमुनले शनिबार रिपोर्ट गरे अनुसार लन्चरमा स्वचालित रुपमा समेत प्रहार गर्न सकिने संयुक्त नियन्त्रण प्रणाली राखिएको छ । पत्रिकाले एकसाथ प्रहार गरिएका रेकट लन्चरबाट प्रहार गरिएका सबै आठ फायर गोलाहरू निसानामा लागेको उल्लेख गरेको छ ।

यो प्रणाली यस वर्षदेखि २०२६ सम्म देशको सेनाका एकाइहरूमा खटाइने पनि पत्रिकाले जनाएको छ ।

नयाँ प्रविधिका गोलाहरू देशको हतियार निर्यातको लागि जिम्मेवार दोस्रो अर्थव्यवस्था आयोग अन्तर्गत स्थापित नयाँ राष्ट्रिय रक्षा औद्योगिक उद्यमद्वारा विकसित गरिएको बताइएको छ ।

पत्रिकाले किमले राष्ट्रिय रक्षा आर्थिक कार्यलाई थप गति दिने तरिकाहरूबारे छलफल गरेको र गोलाको उत्पादन उच्च स्तरमा पुर्‍याउन आह्वान गरेको छ ।

दक्षिण कोरियाको एकीकरण मन्त्रालयले राष्ट्रिय रक्षा आर्थिक कार्य भन्ने उत्तर कोरियाली शब्द हतियार निर्यातको सन्दर्भ हुनसक्ने बताएको छ ।

देशको योनहाप समाचार एजेन्सीले पर्यवेक्षकहरूलाई उद्धृत गर्दै प्योङयाङले युक्रेनमा आफ्नो सैन्य आक्रमण जारी राखेकाले उत्तर कोरियाले रुसलाई हतियार निर्यात गरेर आर्थिक फाइदा उठाउने लक्ष्य राखेको बताएको छ ।