टोकियो, जापान ।

जापानमा विदेशी बासिन्दाहरूको संख्या बढ्दै जाँदा, स्वास्थ्य, श्रम र कल्याण मन्त्री ताकेईले नयाँ आउने विदेशीहरूको लागि पेन्सन दर्ता अनिवार्य गराउने योजना घोषणा गरेका छन् ।

विदेशी बासिन्दाहरूलाई जापानको पेन्सन प्रणालीमा सामेल हुन आवश्यक छ, तर दर्ता नगर्नेहरु पनि छन् । यसलाई समाधान गर्न, पेन्सन सेवाले दर्ता नगरेका नयाँ विदेशी बासिन्दाहरूलाई बासिन्दा रजिष्ट्रेसन जानकारी, जसमा माई नम्बर पनि समावेश छ, प्रयोग गरेर पहिचान गर्नेछ, र लिखित सूचना व्यक्तिलाई पठाउनेछ ।

निर्दिष्ट अवधिभित्र जवाफ नआएमा, उनीहरूलाई स्वचालित रूपमा अनिवार्य दर्ता गरिनेछ। यो योजना अहिले सम्म लागू भएको छैन, तर एक वर्ष भित्र नै लागू गर्न सरकारले तयारी अघि बढाएको छ ।

यदि तपाईं विद्यार्थी भिसामा हुनुहुन्छ र आर्थिक कठिनाइहरू छन् भने, तपाईंले विशेष अनुरोध पेश गरेर राष्ट्रिय पेन्सन

तिर्नबाट छुट पाउन सक्नुहुन्छ । तर यदि तपाईंले यो अनुरोध पेश गर्नुभएको छैन भने, पेन्सन सेवामा गएर यो अनुरोध पेश

गर्नु महत्त्वपूर्ण छ । २० वर्षभन्दा माथिका गैर-विद्यार्थी आश्रितहरूले आफ्नो पति/पत्नीले कोसेई नेन्किन (Kosei Nenkin/ 厚生年金/ Employment pension) मा योगदान नगरेसम्म राष्ट्रिय पेन्सन प्रणालीमा योगदान गर्नैपर्छ ।

यदि तपाईंको पति/पत्नीले राष्ट्रिय पेन्सन (National pension/ 国民年金) तिर्दै हुनुहुन्छ भने तापनि, तपाईंले पनि आफ्नो राष्ट्रिय

पेन्सन तिर्नुपर्ने हुन्छ । पेन्सन बिलहरू नतिर्दा भिसा नवीकरणको समयमा बसोबासको स्थिति प्रभावित हुन पनि सक्छ ।

यदि तपाईंले १० वर्ष वा सो भन्दा बढी समयसम्म पेन्सनमा योगदान गर्नुभयो भने, तपाईं जापानको विशेष लाभहरू प्राप्त गर्न

योग्य हुनुहुनेछ ।

तपाईं भविष्यमा नेपाल फर्किनु भए पनि तपाईंले आफ्नो पेन्सन नेपालमा नै प्राप्त गर्न सक्नु हुन्छ।

तपाईंले पूर्ण १० वर्षको लागि योगदान नगरे तापनि, तपाईं नेपाल फर्किएपछि आफ्नो पेन्सन फिर्ता दाबी गर्न सक्नुहुन्छ । अर्थात् नेपाल बसेर नै पेन्सन प्राप्त गर्न सक्नुहुनेछ ।

त्यसैले, जापानमा तपाईं आफ्नो पेन्सनको जिम्मेवारी पूरा गरिरहनु भएको सुनिश्चित गर्नु आवश्यक छ ।

नेपाल फर्केपछि तपाईको नेन्किन फिर्ता कति आउछ भनेर जान्न चाहनु हुन्छ भने नेन्किनसेवामा सम्पर्क गर्न सक्नुहुनेछ ।

...

नेन्किन सेवा

फोन नं.: ९७७ ९८४७६९१६४२

वेबसाइट : Nenkinsewa.com