टोकियो, जापान ।
जापानमा बसोबास गर्ने विदेशी नागरिकको सङ्ख्या २०२३ मा ३४ लाखभन्दा बढीको उच्च रेकर्डमा पुगेको सरकारी तथ्याङ्कले देखाएको छ ।
देशको तीव्र श्रम अभावलाई सम्बोधन गर्ने प्रयासका बीच रोजगारीसँग सम्बन्धित भिसामा उल्लेख्य वृद्धि भएको छ ।
डिसेम्बरको अन्त्यसम्म, ३,४१०,९९२ विदेशीहरू जापानमा बसेका छन्, जुन अघिल्लो वर्षको तुलनामा १०.९ प्रतिशतले लगातार दोस्रो वर्षको रेकर्ड उच्च रहेको अध्यागमन सेवा एजेन्सीले जनाएको छ ।
तोकिएको दक्ष कामदारको संख्या ५९.२ प्रतिशतले बढेर २०८,००० पुगेको छ, जबकि जापानको प्राविधिक इन्टर्नशिप कार्यक्रम अन्तर्गतका प्रशिक्षार्थीहरू २४.५ प्रतिशतले बढेर ४०४,००० पुगेका छन् । कोभिड १९ महामारी अघि २०१९ मा रहेको रेकर्ड तोडेर उच्च स्तरमा पुगेको तथ्याङ्कले देखाएको छ ।
२०१९ मा जापानको घट्दो जन्मदरको कारणले गर्दा, विदेशी कामदारहरूलाई आकर्षित गर्ने उद्देश्यका साथ तीव्र श्रम अभावको प्रतिक्रियामा तोकिएको दक्ष कामदारले तालिमको आवश्यकता बिना नै तोकिएको उद्योगहरूमा तुरुन्तै काम गर्न अनुमति दिन्छ ।
यसैबीच, जापानको स्थायी बासिन्दाको हैसियत पाएका आवासीय नागरिकहरुको संख्या ८ लाख ९१ हजार पुगेको छ । जुन अघिल्लो बर्षको तुलनामा ३.२ प्रतिशतको बृद्धि हो । ईन्जिनियरहरू, मानविकी र अन्तर्राष्ट्रिय सेवाहरूमा विशेषज्ञहरू, विदेशी भाषा शिक्षकहरू लगायतमा १६.२ प्रतिशतले बढेर ३ लाख ६२ हजार माथि पुगेको छ ।
राष्ट्रियताको आधारमा, चिनियाँहरू सबैभन्दा धेरै रहेका छन् । चीनका नागरिकहरुको संख्या ८२१,००० र त्यसपछि भियतनामीहरु लगभग ५६५,००० र तेस्रोमा दक्षिण कोरियालीहरु ४१०,००० रहेका छन् ।
कोभिड-१९ सँग सम्बन्धित सीमा प्रतिबन्धहरू खुकुलो पारेपछि बासिन्दाहरूको पुनः प्रवेश बाहेक विदेशी आगमनको संख्या अघिल्लो वर्षको तुलनामा छ गुणाले बढेर करिब २ करोड ५८ लाख पुगेको छ ।
यो संख्या अहिले कोभिड महामारी पूर्वको तुलनामा ८० प्रतिशत रिकभर संख्या हो ।
२०२३ मा ९६ लाख २० हजार भन्दा बढी जापानी नागरिकहरूले पर्यटन लगायतका कारणहरूले देश छोडेका थिए, जुन एक वर्ष अघिको तथ्याङ्कको तीन गुणा भन्दा बढी थियो तर अझै पनि पूर्व-महामारी स्तरको तुलनामा आधा भन्दा कम रहेको छ ।
जनवरी १, २०२४ सम्म जापानमा आफ्नो भिसा अवधिभन्दा बढी बस्ने ७९,११३ विदेशी नागरिक थिए, जुन अघिल्लो वर्षको तुलनामा ८,६२२ ले बढेको छ । यसमा सबैभन्दा धेरै भियतनामी रहँदा १५,००० भियतनामी यसरी बसिरहेको जापान सरकारको अध्यागमन तथ्यांकमा उल्लेख छ ।
