(Japan) 21 st February | 2024 | Wednesday | 9:39:15 PM || (Nepal) 6:24:15 PM
 
 


जापान ६ महिनाको डिजिटल घुमन्ते नयाँ भिसाका जारी गर्दै, यस्तो छ शर्त

  POSTED ON : Saturday, 03 February, 2024 | Views : 900

जापान ६ महिनाको डिजिटल घुमन्ते नयाँ भिसाका जारी गर्दै, यस्तो छ शर्त


टोकियो, जापान ।

जापानले १ करोड येन वा सोभन्दा बढीको वार्षिक आम्दानी भएका डिजिटल घुमन्तेहरूका लागि ६ महिनाको भिसा जारी गर्ने योजना बनाएको छ ।

जापान अध्यागमन सेवा एजेन्सीले शुक्रबार यस्तो नयाँ घोषणा गरेको हो । कार्यक्रम मार्च मसान्तसम्ममा सुरु हुने बताइएको छ ।

डिजिटल घुमन्तेहरू जसले छोटो वा मध्यम अवधिको लागि कुनै एक ठाउँमा बसेर टाढाका कामहरु डिजिटल माध्यमबाट गर्ने मानिसहरूलाई बुझाउँछ ।

यसमा ४९ देश र क्षेत्रहरूका व्यक्तिहरु 'निर्दिष्ट गतिविधिहरू'को भिसा श्रेणी अन्तर्गत जापानमा रहन सक्नेछन् । यसमा कुनै कम्पनी अन्तर्गत मात्र नभई स्वतन्त्र व्यक्तिहरुले पनि आवेदन दिन पाउनेछन् ।

योग्य देशहरू र क्षेत्रहरूमा जापानले कर सन्धिहरू र छोटो अवधिको भिसाको आवश्यकतालाई हटाउने सम्झौताहरूमा हस्ताक्षर गरेका देशहरु पर्दछन् । जसमा अमेरिका, अष्ट्रेलिया, सिङ्गापुर लगायतका ४९ देश तथा क्षेत्रहरु रहेका छन् ।