टोकियो, जापान ।

टोकियोका दुई मुख्य बिमानस्थलहरू हानेदा र नारिता जापानकै सबैभन्दा व्यस्त बिमानस्थलहरु हुन् ।

तपाई हामी मध्ये धेरै जना कुन एयरपोर्टबाट उड्दा सहि भनेर अलमलमा पर्ने गर्दछौं ।

तपाइँलाई तपाइँको यात्राको आवश्यकता अनुसार कुन बिमानस्थल उपयुक्त हुन्छ भनेर हामी निर्णय गर्न मद्दत गर्दछौं ।

टोकियोको आफ्नो यात्राको लागि सही एयरपोर्ट छनोट गर्नुले तपाईको यात्राको अनुभवलाई महत्त्वपूर्ण असर पार्न सक्छ । जस्तो कि यात्राको खर्च, बिमान र विमास्थल सुविधा, ट्रान्जिट स्थान धेरै कुरा निर्धारण गर्नसक्छ ।

टोकियोमा दुई प्रमुख अन्तर्राष्ट्रिय विमानस्थल छन्, नारिता अन्तर्राष्ट्रिय विमानस्थल र हानेदा विमानस्थल । यस लेखमा, हामी पहुँच, सुविधा, उडान र मूल्य जस्ता धेरै कारकहरू हेरेर दुई बिमानस्थलको तुलना गर्नेछौं जसले तपाईंलाई आफ्नो यात्राको आवश्यकता अनुसार कुन उपयुक्त हुन्छ भन्ने निर्णय गर्न मद्दत गर्नेछ ।

नारिता अन्तर्राष्ट्रिय विमानस्थल, NRT

जापान भित्र र बाहिर ११७ भन्दा बढी उडान मार्गहरूको लागि नारिता बिमानस्थल प्रयोगको केन्द्र बन्दै आएको छ ।

नारिता, चिबा प्रिफेक्चरमा अवस्थित छ । नारिता अन्तर्राष्ट्रिय विमानस्थललाई सामान्यतया टोकियो भ्रमण गर्ने अन्तर्राष्ट्रिय यात्रुहरूका लागि प्राथमिक प्रवेशद्वारको रूपमा हेरिन्छ । यो टोकियोको सहरको केन्द्रबाट लगभग ६० किलोमिटर पूर्वमा अवस्थित छ । नारिता बिमानस्थलको एयरपोर्ट कोड एनआरटी हो।

हानेदा एयरपोर्ट, HND

टोकियो सहरको केन्द्र नजिकको व्यावसायिक बिमानस्थल हानेदा विमानस्थल हो ।

ओता, टोकियोमा रहेको हानेडा एयरपोर्ट सहरको केन्द्रको सबैभन्दा नजिकको एयरपोर्ट हो । टोकियोको मध्यभागबाट केवल १४ किलोमिटर दक्षिणमा रहेको छ । हानेता बिमानस्थलको एयरपोर्ट कोड एचएनडी हो ।

सहरमा सहज पहुँच

बिमानस्थल देखि आफ्नो होटल सम्म, साथै तपाईंलाई सहर क्षेत्र पुग्नको लागि कति सहज छ भन्नेकुरा जान्न आवश्यक छ ।

मध्य टोकियोमा दुबै एयरपोर्टबाट धेरै विकल्पहरू छन् ।

नारिता एयरपोर्टबाट, तपाईं लिमोजिन बसहरू, साथै सहरमा सीधा यात्रा प्रदान गर्ने रेलहरू छनौट गर्न सक्नुहुनुहुनेछ । त्यहाँ दुई फरक एक्सप्रेस रेल सेवाहरू छन्, नारिता एक्सप्रेस N’EX ट्रेन जुन टोकियो, शिनागावा, शिबुया, शिन्जुकु र योकोहामा सहित सबै प्रमुख स्टेशनहरूमा रोकिन्छ ।

त्यहाँ केइसी स्काइलाइनर पनि छ, जुन निप्पोरी स्टेसनमा जान्छ जहाँबाट तपाईं टोकियोको जुनसुकै ठाउँमा जान जेआर रेल चढ्न सक्नुहुन्छ ।

हानेदा एयरपोर्टको लागि, नारिता जस्तै, तपाईं टोकियोका सबै प्रमुख क्षेत्रहरूमा लिमोजिन बसहरू समात्न सक्नुहुन्छ वा शहरमा मोनोरेल वा केइसी लाइनबाट रेलहरू रोज्न सक्नुहुन्छ ।

यदि ट्राभल समय कम छ भने, हानेडा बिमानस्थलसम्म पुग्नको लागि सार्वजनिक सवारीसाधनको उपलब्धता, समय, सहजता आदिका कारण मध्य शहरबाट नजिकमा पर्दछ ।

उदाहरणका लागि, नारिताबाट टोकियो स्टेसनमा पुग्नको लागि १०० मिनेटको औसत बस सवारीको तुलनामा, हानेदाबाट लगभग २५ देखि ४५ मिनेट लाग्छ ।

बजेटको हिसाबले नारिता देखि टोकियो सम्मको बस मार्फत १,३०० येन लाग्छ भने जसमा करिब ७० देखि ८० मिनेट लाग्छ । यो बस गिन्जा क्षेत्रमा पनि पुग्दछ ।

दुबै एयरपोर्टहरूबाट ट्याक्सी भाडामा लिएर यात्रा गर्न सजिलो छ । यद्यपि, नारिताबाट सिन्जुकुमा भाडा २५,००० येन आसपास पर्नेछ साथै समय पनि ट्राफिक जाम नभएमा डेढ घण्टा आसपास लाग्नेछ भने हानेदाबाट केवल २५ मिनेट ट्याक्सिमा र भाडा केवल ८,५०० येन आसपास पर्नेछ ।

यस आधारमा हामी हानेदा बिमानस्थल आफ्नो गन्तव्यमा छिटोभन्दा छिटो पुग्न र त्यसो गर्दा पैसा बचत गर्न चाहनेहरूका लागि स्पष्ट रोजाइ बनाउन सुझाव दिन्छौं ।

उडान विकल्पहरू, एयरलाइन्स, मूल्यहरू आदिका आधारमा

के तपाई सस्तो एयरलाइन्स उडान गर्दै हुनुहुन्छ वा प्रिमियम एयरलाइनमा यात्रा गर्न चाहनुहुन्छ ? त्यसो हो भने यी कुराहरुलाई ध्यानमा राख्नुहोस् ।

नारिता र हानेदा मध्ये तपाईंको लागि कुन राम्रो हुनसक्छ ?

हानेदाबाट ४५ एयरलाइन्स कम्पनीले १०४ उडान रुटसहित उडान भर्छन्, जबकि नारिताबाट ८० वायुसेवा कम्पनी र ११७ उडान रुट रहेका छन् । 

नारिताले हानेदा भन्दा धेरै लामो दूरीको उडानहरू पनि प्रदान गर्दछ, र रोयल डच एयरलाईन्स, एलिटालिया, टर्की, स्विस र डेल्टा जस्ता एयरलाइनहरू नारिताबाट मात्र उडान गर्छन् । जापानका दुई स्वदेशी एयरलाइन्स, एएनए र जापान एयरलाइन्स, दुबै हानेदा र नारिताबाट छोटो र लामो दुरीका उडानहरू उडाउँछन् र टोकियोमा सक्रिय सबै एयरलाइन्समध्ये अन्तर्राष्ट्रिय र आन्तरिक उडानहरूको लागि सबैभन्दा व्यापक उडान तालिका छ ।

विशेषगरि जापानबाट नेपाल, ईण्डिया, श्रीलंका, पाकिस्तान, बंगलादेश लगायत एशियाली देशहरुमा यात्रा गर्नेहरुका लागि नेपाल एयरलाईन्स, एयर ईण्डिया, श्रीलंकन एयरलाईन्स, बिमान बंगलादेश, थाई एयरलाईन्स, कोरियन एयरलाईन्स, क्याथे प्यासेफिक, मलेसियन, कतार एयरवेज, एयर अरेबिया लगायत दुई दर्जन एयरलाईन्सको अधिकाशं उडान नारिताबाट हुने गरेको छ ।

जसका कारण प्राय यि क्षेत्रमा उडान भर्नेहरुका लागि सस्तो र सिमित विकल्पका कारण नारिता बिमानस्थल पहिलो रोजाइमा पर्ने गरेको पाईन्छ ।

यद्यपि, नारिताले थप अन्तर्राष्ट्रिय उडानहरू प्रदान गर्दछ। एयरलाइन्सको आधारमा, केही एयरलाइन्सले कम उडान भर्ने गरेका कारण हानेदाको लागि हवाई टिकटको मूल्य उच्च राखेको पाइन्छ । यसबाहेक, धेरैजसो बजेट एयरलाइन्स नारिताबाट सञ्चालन हुन्छन् ।

यदि तपाईं सस्तो हवाई भाडा बचत गर्न र छनौट गर्न खोज्दै हुनुहुन्छ भने, नारिता उत्तम विकल्प हुनेछ ।

सुविधा शुल्कको कारणले तपाईंले यो पनि याद गर्नुपर्नेछ । जस्तो कि तपाईंको हवाईजहाजको टिकटमा विविध शुल्कहरूमा हानेदाका लागि लगभग २,९५० र नारिताका लागि २,४६० येन शुल्क समावेश हुन्छ, हानेदा शुल्क नारिताभन्दा अलि महँगो रहेको छ ।

के गर्दा उचित ?

यो निर्णय गर्नु एकदम कठिन घडि हुन जान्छ । यदि तपाईं सरासर लामो रुट भएपनि मूल्यका हिसाबले सस्तो उडान गर्दै हुनुहुन्छ भने, यो हानेदा भन्दा पहिले नारिताको लागि तालिका जाँच गर्न उपयुक्त हुन सक्छ । नारिताबाट हानेदाभन्दा धेरै रुटहरूमा उडान हुनेगर्दछ ।

यदि तपाईं मूल्यमा संवेदनशील हुनुहुन्छ भने, निर्णय गर्नु अघि सधैं आफ्नो मनपर्ने मिति र दुई एयरपोर्टहरू बीचको मूल्य भिन्नता जाँच गर्नुहोस् । हानेदा सुविधा शुल्क अलिक बढी भए पनि समग्र लागतमा यो धेरै महत्त्वपूर्ण छैन । किनभने सेवा, सुविधा, उपलब्धता सबैकुरा जोड्दा तीन महिना भन्दा अघि टिकट खरिद गर्नुभएमा लगभग नारिता एयरपोर्ट समान र कम समयमा किन्दा भने धेरै भिन्नता पर्नसक्छ ।

सुविधाहरू र विकल्पहरू

टोकियोबाट जापान भित्र उड्ने होस् वा बाहिर, तपाई एयरपोर्टका सुविधाहरूसँग परिचित हुनु राम्रो हुन्छ ।

दुबै एयरपोर्टहरूमा पहिलो र बिजनेस क्लास लाउन्जहरू पाइन्छ । यद्यपि, नारितामा उपलब्ध लाउन्जहरूको संख्या हानेदाको भन्दा धेरै र बिमान अनुसार गुणस्तरिय सेवा पाउन सक्नुहुन्छ  । नारितामा जालको पहिलो क्लास लाउन्ज, विशेष गरी, यसको सुशी बारको लागी प्रख्यात छ, जहाँ शेफहरुलाई अर्डर गरेर तपाईंले ताजा सुशी भोजन गर्न पाउनुहुन्छ ।

यस बाहेक बिजनेस क्लासका यात्रुहरुको लागि असिमित भोजन र आतिथ्यता नारिता र हानेदा दुवै विमानस्थलमा उपलब्ध हुनेछ ।