काठमाडौं, नेपाल ।
चर्चित लोकदोहोरी कार्यक्रम इन्द्रेणीका सञ्चालक तथा लोक दोहरी गायक कृष्ण कँडेलको फेसबुक आइडी ह्याक भएको छ । आइडी ह्याक भएपछि उनको फेसबुकको वालमा विभिन्न तस्बिर तथा भिडिओ पोष्ट भइरहेको छ ।
कँडेलको फेसबुकमा उनले धेरैसँग पैसा उठाएर दुरुपयोग गरेको आरोप लाग्ने खालका विवरण र आफ्नै श्रीमती अरुसँग लागेको भन्ने आशय दिने खालका विभिन्न फेसबुक म्यासेन्जर च्याटहरु पोष्ट भइरहेका छन् । उनको प्रोफाइल फोटो समेत फेरेर फोटोमा ढाका टोपी लगाएर टाउकोमा पैसा घुसारेको र पैसाकै माला लगाएको इडिट गरेर राखिएको छ ।
गायक तथा इन्द्रेणी कार्यक्रम संचालक कँडेलले आफ्नो फेसबुक आइडी ह्याक भएको बताएका छन् । ह्याक भएको आइडी नियन्त्रणमा लिन आइटी इन्जिनियरसँग समन्वय भइरहेको उनले बताएका छन् ।
कँडेल पछिल्लो समय गायिका समिला श्रेष्ठसँग विवादको कारण चर्चामा छाएका थिए ।
