टोकियो, जापान ।
जापानमा ठूलो प्रयोगकर्ता रहेको सामाजिक सञ्जाल लाइन संचालन गर्ने एलवाई कर्पले सोमबार लाखौं प्रयोगकर्ताको व्यक्तिगत विवरण चुहावट भएको बताएको छ ।
अक्टोबरमा कम्प्युटर प्रणालीमा अनाधिकृत पहुँचको कारणले लाइन मेसेजिंग एप प्रयोगकर्ताहरूसँग सम्वन्धित ३ लाख सहित व्यक्तिगत डाटाका ४ लाख ४४ हजार भन्दा बढी वस्तुहरू लीक भएको कम्पनीले जनाएको छ ।
लीक गरिएको डाटामा जापानको लोकप्रिय सामाजिक सञ्चार उपकरण, लाइन एपका बैंक खाता, क्रेडिट कार्ड वा च्याट सन्देशहरू सम्बन्धी जानकारी भने थिएन । अहिलेसम्म चुहावट भएका विवरणबाट दुरुपयोगको कुनै रिपोर्ट नआएको कम्पनीले बताएको छ ।
यो लीक गरिएको डाटामा प्रयोगकर्ताहरूको उमेर समूह, लिङ्ग, र तिनीहरूले कुन कुन सेवा प्रयोग गरेका थिए भन्ने विवरण, साथै कम्पनीका व्यवसायिक साझेदारहरू र कर्मचारीहरू, जस्तै इमेल ठेगाना, नाम र सम्बद्धताहरू समावेश रहेका छन् ।
कम्पनीले अक्टोबर २९ मा डाटा चुहावट भएको पुष्टि गरे पनि यो घोषणा गर्न करिब एक महिना लागेको कारण उल्लङ्घनको मात्रा पुष्टि गर्न समय लाग्ने बताएको छ ।
'हामी हाम्रा प्रयोगकर्ताहरू र सबै सम्बन्धित पक्षहरूलाई कुनै पनि असुविधा वा चिन्ताको लागि क्षमाप्रार्थी छौं । हामी यस घटनाप्रति गहिरो खेद व्यक्त गर्दछौं र कुनै पनि यस्ता घटना दोहोरिनबाट रोक्नको लागि सक्दो प्रयास गर्नेछौं' कम्पनीले एक विज्ञप्तिमा भनेको छ ।
यसबारे कम्पनीले सञ्चार मन्त्रालयलाई जानकारी गराइ सकेको बताएको छ ।
एलवाई अक्टोबरमा जेड होल्डिंग्स कर्पोरेशन र यसको समूह कम्पनीहरू लाइन कर्पोरेशन र याहू जापान कर्पोरेशन मर्जर पछि गठन भएको थियो ।
कम्पनीको दक्षिण कोरिया स्थित सम्बद्ध, नेभर क्लाउड कर्पोरेशन द्वारा प्रयोग गरिएको एक ठेकेदार कम्पनीका एक कर्मचारीको स्वामित्वमा रहेको कम्प्युटरमा मालवेयरले संक्रमण गर्दा विवरण चुहावट भएको बताइएको छ ।
सेप्टेम्बरको अन्त्यसम्म, जापानमा करिब ९ करोड ६० लाख मानिसले मेसेजिङ एप लाईन प्रयोग गरिरहेका थिए भने अन्य १० करोड प्रयोगकर्ता जापान बाहिरका रहेको कम्पनीले जनाएको छ ।
