(Japan) 31 st January | 2023 | Tuesday | 6:53:21 PM || (Nepal) 3:38:21 PM
 
 

जापानमा बिद्यार्थीमाथिको मार बढ्दो, जब अफर रद्द ९ वर्ष यताकै धेरै

  POSTED ON : Thursday, 22 October, 2020 | Views : 2648

जापानमा बिद्यार्थीमाथिको मार बढ्दो, जब अफर रद्द ९ वर्ष यताकै धेरै


टोकियो, जापान ।

अध्ययन, आशिंक काम सँगै अब पढाई सकिएका बिदेशी विद्यार्थीहरु जापानमा थप मारमा पर्ने देखिएको छ ।

कोरोना भाइरसको महमारी बीच जापानमा जब अफर रद्द गर्ने क्रम बढेर ९ वर्ष यताकै उच्च बिन्दुमा उक्लिएको छ । यसको अर्थ अध्ययनपछि रोजगारी खोज्नेहरुको समस्या र संघर्ष जापानमा थप कठिन हुँदै गएको देखिएको छ ।

कोरोना भाइरसको महामारीका कारण अर्थतन्त्र मन्दिमा भएसँगै नौ वर्षमा पहिलो पटक जापानमा २०० भन्दा धेरै ग्र्याजुएटहरुको रोजगारीको अफर रद्द भएको श्रम मन्त्रालयले मंगलबार बताएको हो । 

सेप्टेम्बरको अन्त्यसम्ममा २०१ जनाको जब अफर रद्द भएको छ । यी मध्ये अधिकांश विश्वविद्यालयको पढाई पूरा गर्ने जापानी र बिदेशी विद्यार्थी छन् ।

गत वर्षको सोही अवधिमा भने ३५ विद्यार्थीको मात्रै जब अफर रद्द भएको थियो ।

सन् २०११ को मार्चमा पूर्वी जापानमा गएको विनाशकारी भुकम्पपछि २ सय भन्दा धेरै विद्यार्थीको जब अफर रद्द भएको थियो । त्यति बेला ५९८ नयाँ ग्र्याजुएटको रोजगारीको करार खारेज गरिएको थियो ।